İran müharibəsi ABŞ-a çox baha başa gəldi, dəyəri 25 milyard dolları keçdi

Pentaqon İranla münaqişənin ABŞ iqtisadiyyatına təsiri ilə bağlı ilk əhatəli məlumatları paylaşıb. Fevralın 28-də başlayan və iki aydan çox davam edən müharibənin ABŞ-a vurduğu zərərin 25 milyard dollara çatdığı açıqlanıb Pentaqonun xəzinədarı vəzifəsini icra edən Jules Hurst Nümayəndələr Palatasının Silahlı Qüvvələr Komitəsinə təqdimatında bildirib ki, xərclərin böyük hissəsi intensiv sursatın istifadəsi, əməliyyat xərcləri və hərbi texnikanın yenilənməsi ilə bağlıdır Müharibənin yalnız ilk 6 günündə 11,3 milyard dollar xərcləndiyini vurğulayan rəsmilər, qarşıdurma uzandıqca bu xərclərin hədsiz dərəcədə artdığını bildiriblər Bildirilib ki, artan xərclər səbəbindən Ağ Ev vasitəsilə Konqresdən əlavə büdcə tələb edilməsi gündəmdədir. Müharibənin iqtisadi ölçüsünün daha da artacağı ilə bağlı narahatlıqlar var Münaqişələr təkcə hərbi xərclərlə məhdudlaşmırdı. Hörmüz boğazında baş verən hadisələrlə əlaqədar qlobal yanacağın qiymətləri artsa da, bu, mülki iqtisadiyyata birbaşa təsir edib. Bildirilib ki, ABŞ prezidenti Donald Tramp enerji sektorunun nümayəndələri ilə görüşüb və həll yolu axtarıb Müharibə 60 günü keçərsə, ABŞ qanunlarına görə, hərbi əməliyyatların davam etdirilməsi üçün Konqresin təsdiqi tələb olunacaq. Mütəxəssislər, hərbi itkilərin və sahədəki zərərin elan ediləndən daha çox ola biləcəyini və bunun nəticəsində milyardlarla dollarlıq əlavə xərclər olacağını proqnozlaşdırırlar