İranda Ayətullah Əli Xameneinin vəfatından 4 ay sonra dəfn mərasimi keçiriləcək

İranın keçmiş ali dini lideri Əli Xamneyinin dəfn mərasimi iyulun 9-da doğulduğu Məşhəd şəhərində keçiriləcək. Reuters xəbər verir ki, bu barədə IRIB dövlət televiziya və radio şirkəti məlumat yayıb Vida mərasimləri iyulun 4-də Tehranda başlayacaq və bir neçə gün davam edəcək. Dəfn mərasimi Tehrandan təxminən 140 km cənubda yerləşən şiə İslamının əsas dini mərkəzlərindən biri olan Qumda da keçiriləcək İRİB-nin məlumatına görə, mərasimlər iyulun 4, 5 və 6-da Tehranda, iyulun 7-də Qumda, iyulun 9-da isə Xamenei İranın şimal-şərqində Məşhəddə dəfn olunacaq Dəfn mərasimi əvvəlcə mart ayına planlaşdırılıb, lakin ABŞ, İsrail və İran arasında gedən müharibə fonunda təxirə salınıb Ayətullah Əli Xamenei fevralın 28-də, ABŞ və İsrailin İrana zərbələrinin ilk günündə öldürülüb. Onunla bərabər qızı, nəvəsi, gəlini və kürəkəni də dünyasını dəyişib. Martın 9-da Ekspertlər Şurası Müctəba Xameneyini İslam Respublikasının yeni Ali Rəhbəri elan edib Aprelin 8-i Ayətullahın vəfatından 40 gün keçirdi. Şiə ənənəsində bu tarix əsas matəm dövrünün sonu hesab olunur Dəfnə hazırlıqları fonunda İran yaxın günlərdə ABŞ-la sülh nizamlanmasına dair çərçivə sazişi imzalaya biləcəyini bildirib. Eyni zamanda, Tehran pakistanlı vasitəçinin sənədin yaxın 24 saat ərzində imzalanacağı ilə bağlı bəyanatını rədd edib Bundan əvvəl ABŞ və İran 3 aylıq müharibəyə son qoyulması ilə bağlı razılaşmanın yekunlaşmaq üzrə olduğunu bildirmişdilər. ABŞ administrasiyasının nümayəndəsinin sözlərinə görə, tərəflər artıq sənədin mətni ilə bağlı razılığa gəliblər və Vaşinqton yaxın günlərdə ilkin razılaşmanın imzalanacağını gözləyir