İran Livanı xilas etməyi tələb edir

İranın xarici işlər naziri Abbas Araqçi X sosial şəbəkəsində Livan prezidenti Cozef Aunun bəyanatlarına münasibət bildirib, onları tənqid edib və ölkə rəhbərliyini “əsl təhdidlərə qarşı durmağa” çağırıb "Cənab Aunun şərhlərinə əsasən, düşünmək olardı ki, İran Livanın beşdə birini işğal edib, livanlıların dörddə birini didərgin salıb və hər gün ölkəsini bombalayır. Livan İran üçün sövdələşmə obyekti olsaydı, biz çoxdan razılaşardıq. Livanı əsl düşməninizdən xilas edin", - deyə cənab Araqçi yazıb Bundan əvvəl Livan prezidenti CNN telekanalına müsahibəsində demişdi ki, İran ABŞ və İsraillə qarşıdurmada Livandan “sövdələşmə kartı” kimi istifadə edir və ölkə vətəndaşları davam edən hərbi əməliyyatlardan “doydular”