İran ABŞ-dan 24 milyard dolları qaytarmağı tələb edib və münaqişənin genişlənəcəyi barədə xəbərdarlıq edib

Rezainin sözlərinə görə, Tehran müvəqqəti sazişin imzalanmasından dərhal sonra 12 milyard dolların sərbəst buraxılmasını gözləyir. İran tərəfinin gözlədiyi kimi daha 12 milyard dollar sonra transfer edilməlidir İranın yüksək rütbəli rəsmisi aktivlərin dondurulmasını iki ölkə arasında etimadın sınağı kimi qiymətləndirib. O vurğulayıb ki, söhbət ABŞ-ın maliyyə yardımından yox, İrana məxsus vəsaitdən gedir Danışıqlar dalana dirənib. İndi qərar Donald Trampdan asılıdır”, - Rezai CNN-ə müsahibəsində deyib Mənbənin sözlərinə görə, Amerika tərəfi vəsaitlərin blokdan çıxarılması ideyasına ehtiyatla yanaşır. Vaşinqton hesab edir ki, pulun vaxtından əvvəl köçürülməsi ABŞ-ın danışıqlarda mövqeyini zəiflədə bilər Tramp administrasiyası 2015-ci il nüvə sazişindən daha güclü razılaşma axtarır. Ağ Ev də Tehrana maliyyə güzəşti kimi qəbul edilə biləcək addımlardan qaçmaq istəyir Rezai xəbərdarlıq edib ki, münaqişə yenidən başlayarsa, İran hərbi əməliyyatların coğrafiyasını əhəmiyyətli dərəcədə genişləndirməyə hazırdır Onun sözlərinə görə, mümkün tədbirlər təkcə Fars körfəzinə deyil, Hörmüz boğazına, Hind okeanına, Bab əl-Məndeb boğazına, Qırmızı dənizə və Aralıq dənizinə də təsir edə bilər Donald Trampla İranın ali lideri arasında mümkün təmaslar barədə sualı cavablandıran Rezai bildirib ki, hazırda belə bir ssenari nəzərdən keçirilmir. Onun sözlərinə görə, danışıqlar prosesi ilkin mərhələdədir və liderlərin görüşündən danışmaq tezdir Bundan əvvəl İran xarici işlər nazirinin müavini Kazem Gharibabadi də bildirib ki, Tehran ABŞ-la anlaşma memorandumu imzaladıqdan dərhal sonra dondurulmuş xarici aktivlərinin ən azı 50%-ni alacağını gözləyir. Onun sözlərinə görə, İran vəsaitlərinin blokdan çıxarılması məsələsi Tehran və Vaşinqton arasında danışıqların əsas məqamlarından biri olaraq qalır