İranın xarici işlər naziri Ərakçi Pakistanda! ABŞ nümayəndə heyəti gözləyərkən, görün kimlə görüşdü

İranın xarici işlər naziri Abbas Ərakçinin rəhbərlik etdiyi nümayəndə heyəti rəsmi təmaslar aparmaq üçün Pakistanın paytaxtı İslamabada gəlib. ABŞ ilə görüşməyəcəklərini bildirən nümayəndə heyəti səfərin yalnız Pakistan rəsmiləri ilə təmas çərçivəsində həyata keçirildiyini açıqlayıb İranın xarici işlər naziri Abbas Ərakçi dünən axşam gəldiyi Pakistanın paytaxtı İslamabadda rəsmi təmaslarına başlayıb. Nazir Arakçi Pakistan Baş Qərargah rəisi, marşal Asim Munir ilə görüşüb. Görüş zamanı regional təhlükəsizlik məsələləri və Pakistanın ABŞ ilə danışıqlarda vasitəçilik səyləri müzakirə edilib. Tərəflər regionda sülh və sabitliyin təşviqinin vacibliyini vurğulayaraq, Pakistan-İran əlaqələrini və təhlükəsizlik sahəsində əməkdaşlığı daha da gücləndirmək barədə razılığa gəliblər İran nümayəndə heyətinə xarici işlər nazirinin müavini Kazım Qəribabadi, İranın Pakistandakı səfiri Rza Əmiri Moqadam və İran Xarici İşlər Nazirliyinin sözçüsü İsmayıl Bekayi daxildir. Pakistan tərəfdən isə daxili işlər naziri Möhsin Nəqvi və milli təhlükəsizlik müşaviri Asim Malik iştirak edib Digər tərəfdən, Britaniya mətbuatından Sky News, danışıqların qarşısındakı ən böyük maneənin hazırda "nüvə məsələləri" deyil, "Hörmüz blokadası" olduğunu iddia etdi Xəbərdə, "ABŞ-ın İran limanlarına tətbiq etdiyi blokada Vaşinqton və Tehran arasında sülh danışıqlarında "ən böyük maneə" olaraq qalmağa davam edəcək. Əslində, görünən odur ki, nüvə məsələsi belə pərdə arxasında qalıb"