İran: Amerikalılar Hörmüz boğazına yaxınlaşmağa cəsarət etmirlər

ABŞ prezidenti Donald Trampın Hörmüz boğazında mina qoyan qayıqları vurmaq üçün aqressiv göstərişlərini dəyərləndirən Ejei, bu cür bəyanatların sahədə qarşılığı olmadığını bildirib. İran ordusunun bölgədəki mütləq üstünlüyünə diqqət çəkən Ejei, dünən strateji su yolunu pozan 3 gəmi haqqında dərhal "hüquqi tədbir" görüldüyünü açıqlayıb. Tehranın bu addımı regionda suveren hüquqların qorunması baxımından hüquqi və hərbi intizamın pozulmayacağının bariz göstəricisi kimi qeydə alınıb Ejei xatırladıb ki, aprelin 12-də “yüksək dərəcədə inkişaf etmiş” kimi xarakterizə edilən ABŞ esminesləri “Peterson” və “Mörfi”nin gizli keçid etmək cəhdinin qarşısı İnqilab Keşikçiləri tərəfindən alınıb. Amerikalıların bu hadisədən böyük dərs aldıqlarını bildirən Ejei müasir esmineslərin İranın müdafiə divarına qarşı təsirsiz olduğunu vurğulayıb. "Amerikalılar Hörmüz boğazına yaxınlaşmağa cəsarət etmirlər. Bütün dünya onların Murphy və Peterson adlı iki qabaqcıl esminesinin başına gələnləri gördü" deyən Ejei, Vaşinqtonun texnoloji üstünlük iddiasının bu sahədə çökdüyünü bildirib İranın müdafiə strategiyası ilə bağlı təəccüblü təfərrüatları bölüşən Ədliyyə Rəhbəri bildirib ki, Fars körfəzindəki Faror adasındakı dəniz mağaralarında İnqilab Keşikçiləri Qvardiyasına məxsus sürətli qayıqlar və pilotsuz dəniz vasitələri həyəcan vəziyyətindədir. “Sürü taktikası” tətbiq edən bu birliklərin ABŞ gəmilərini səbirsizliklə gözlədiklərini ifadə edən Ejei, sıx müdafiə təzyiqi ilə hər cür müdaxiləyə hazır olduqlarını bir daha vurğulayıb Washington Post-un bölgədə mümkün minatəmizləmə əməliyyatının 6 ay çəkə biləcəyi ilə bağlı texniki təhlili ABŞ-ın bölgədəki əməliyyat zəifliyini və İranın strateji üstünlüyünü qeydə alan etiraf kimi qiymətləndirilib. Tehran bir daha qətiyyətlə bəyan edib ki, Hörmüz boğazını beynəlxalq hüquqa və öz milli təhlükəsizliyinə uyğun idarə etməyə davam edəcək