İran elan etdi! 14 bənddən ibarət təklifə ABŞ-dan cavab gəlib

İran Xarici İşlər Nazirliyinin sözçüsü İsmayıl Bekayi ABŞ-a təqdim etdikləri 14 maddəlik təklifə cavabın Pakistan vasitəsilə onlara çatdırıldığını açıqlayıb. Sözügedən cavabın araşdırıldığını bildirən Bekayi, "Təminatımız gücümüzdür və əlimizdəki imkanlardan ən yaxşı şəkildə istifadə etməliyik" dedi Bekayi bildirib ki, 14 bənddən ibarət plan yalnız müharibənin sona çatmasına yönəlib və nüvə məsələlərinə dair heç bir maddə yoxdur. O, bildirib ki, planda bölgədəki münaqişələrin, xüsusən də Livandakı müharibənin sona çatdırılmasının təfərrüatlarına diqqət yetirilir Nüvə məsələlərinə dair iddiaların keçmiş danışıqlarla bağlı olduğunu bildirən Bekayi, bu iddiaların hazırkı planla heç bir əlaqəsinin olmadığını vurğulayıb. İranın hazırda nüvə sahəsində heç bir danışıqlar aparmadığını qeyd edən Bekayi gələcək qərarların lazımi vaxtda veriləcəyini bildirib Bekayi həmçinin deyib: Əvvəlki iki raund danışıqlar ABŞ və sionist rejimin hərəkətləri ilə İrana qarşı müharibənin başlanmasına səbəb oldu Planın müharibəni dayandırmaq üçün konsensus çərçivəsinə əsaslandığını bildirən Bekayi, 30 günlük müddət ərzində icra detallarının müzakirə ediləcəyini bildirib. İran sözçüsü 14 maddə çərçivəsində bütün detalları dəqiqləşdirməyin mümkün olmadığını bildirib Bekayi, planlarında ultimatum və ya zaman təzyiqinin olmadığını, İranın daha əvvəl heç vaxt belə təzyiq altında danışıqlar aparmadığını vurğulayıb Bekayi ABŞ-ın Hörmüz boğazında mina təmizləmə fəaliyyətləri ilə bağlı iddialarını da rədd edib və belə xəbərlərin bəzi media orqanları tərəfindən uydurulduğunu bildirib