İrakli Kobaxidze: Beynəlxalq maliyyə qurumları Orta Dəhlizin potensialını çox yaxşı başa düşürlər

Beynəlxalq maliyyə qurumları Orta Dəhlizin potensialının nə qədər böyük olduğunu çox yaxşı başa düşürlər, buna görə də Orta Dəhlizin potensialına marağın maliyyə dəstəyində də əks olunması təəccüblü deyil AZƏRTAC xəbər verir ki, bu sözləri Gürcüstanın Baş naziri İrakli Kobaxidze Dünya Bankının Gürcüstana 372 milyon dollar məbləğində kredit ayırmasını şərh edərkən söyləyib Kobaxidze deyib ki, Gürcüstan Maliyyə Nazirliyi dövlətin müvafiq maliyyə resursları ilə təmin olunmasını təmin etmək üçün Dünya Bankı da daxil olmaqla beynəlxalq maliyyə qurumları ilə çox fəal işləyir “Biz onillik dəmir yolu inkişaf planı təqdim etdik ki, bu da güclü maliyyələşdirmə tələb edir. Bunun üçün müvafiq maliyyə mənbələri tələb olunur. Tranzit rolumuzu inkişaf etdirmək üçün bütün istiqamətlərdə səylər davam etdiriləcək və bunun üçün müvafiq maliyyə resursları cəlb olunacaq. Faktlar da Orta Dəhlizin ticarət və iqtisadi baxımdan çox vacib strateji xətt olduğunu təsdiqləyir. 2020-ci ildən bəri Orta Dəhlizdə yük axını 7 dəfə artıb ki, bu da özlüyündə perspektivlərin nə qədər böyük olduğunu göstərir. Resurslar daha böyükdür və belə şəraitdə beynəlxalq qurumlar, o cümlədən beynəlxalq maliyyə institutları Orta Dəhlizin potensialının nə qədər böyük olduğunu və bunların arasında Gürcüstanın Orta Dəhliz daxilindəki rolunu çox yaxşı başa düşür. Müvafiq olaraq, Orta Dəhlizin potensialına olan bu marağın maliyyə dəstəyində də əks olunması təəccüblü deyil”, - deyə İrakli Kobaxidze bildirib 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır