Çinin xarici ticarəti 15,3 faiz çoxalıb

Çinin xarici ticarəti yanvar-may aylarında ötən ilin eyni dövrü ilə müqayisədə milli valyuta ifadəsində 15,3 faiz artaraq 20,68 trilyon yuana (təxminən 3,03 trilyon ABŞ dolları) çatıb AZƏRTAC xəbər verir ki, bu barədə Çinin Baş Gömrük Administrasiyası məlumat yayıb May ayında isə xarici ticarət 16,9 faiz artıb. Bu dövrdə Çinin ixracı 13,8 faiz, idxalı isə 21,5 faiz artıb Ümumi daxili məhsulun (ÜDM) dəyərinə görə dünyada ikinci olan Çinin iqtisadiyyatının qlobal iqtisadi-ticari əlaqələrə təsiri olduqca böyükdür. Təsadüfi deyil ki, bir sıra təhlil mərkəzlərinin dünya iqtisadiyyatı ilə bağlı proqnozları Çin iqtisadiyyatının inkişafı və onun xarici ticarət proqnozlarına əsaslanır 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır