Çindən ABŞ-a cavab: Biz tanımayacağıq

Çin Ticarət Nazirliyi, ABŞ Maliyyə Nazirliyinin 5 Çin şirkətinə qarşı qəbul etdiyi sanksiya qərarları ilə bağlı müvəqqəti qərar verildiyini açıqlayıb Nazirliyin açıqlamasında qeyd olunub ki, sözügedən qərar “Xarici qanunların və ehtiyat qaydaların düzgün olmayan transmilli tətbiqinin qarşısının alınması haqqında Əsasnamə” çərçivəsində qəbul edilib. Bu kontekstdə ABŞ-ın Çin daxilində müvafiq şirkətlərə qarşı sanksiyalarının tanınması, həyata keçirilməsi və ya onlara riayət edilməsinin qadağan edildiyi bildirilib Çin rəsmiləri ABŞ-ın sanksiya qərarlarının beynəlxalq hüququ və beynəlxalq münasibətlərin əsas normalarını pozduğunu bildirib. Bəyanatda vurğulanıb ki, bu cür sanksiyalar Çin şirkətlərinin üçüncü ölkələrlə iqtisadi və kommersiya fəaliyyətini yersiz məhdudlaşdırır Nazirlik bəyan edib ki, müvəqqəti mühafizə qərarının məqsədi Çinin milli suverenliyini, təhlükəsizliyini və inkişaf maraqlarını, eyni zamanda Çin şirkətləri və vətəndaşlarının qanuni hüquqlarını müdafiə etməkdir