İctimai Birlik sədri: Eşitmə məhdudiyyətli insanların cəmiyyətə inteqrasiyası artır

Eşitmə məhdudiyyətli insanların cəmiyyətə inteqrasiyasında son illərdə bu sahəyə artan diqqət və müxtəlif sosial təşəbbüslərin həyata keçirilməsi sayəsində müsbət dinamika müşahidə edilir Bunu “Karlara Dəstək" İctimai Birliyinin sədr müavini Heydər Rəhimli Eşitmə Məhdudiyyətli İnsanların II Mədəniyyət Festivalı çərçivəsində AZƏRTAC-ın müxbiri ilə söhbət zamanı bildirib “Həqiqətən də, inkişaf çox yaxşı templə gedir. Çünki bu sahəyə diqqət və qayğı artır”, - deyə o qeyd edib Heydər Rəhimli vurğulayıb ki, bu istiqamətdə ən vacib addımlardan biri ötən il qanunvericilikdə edilmiş dəyişikliklərə uyğun olaraq işarət dilinin tanınmasıdır İctimai Birliyin sədr müavini, həmçinin eşitmə məhdudiyyətli insanların idman, təhsil və peşəkar fəaliyyət də daxil olmaqla ictimai həyatın müxtəlif sahələrinə inteqrasiyasının təmin edilməsində ictimai təşkilatların və ixtisaslaşmış qurumların mühüm rolunu diqqətə çatdırıb Onun fikrincə, aparılan iş eşitmə məhdudiyyətli insanların cəmiyyətin fəal üzvləri kimi formalaşmasına töhfə verir və onların özünütəsdiqləmələri üçün yeni imkanlar yaradır 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır