İstanbul Böyükşəhər Bələdiyyəsində yeni əməliyyat: Çox sayda şübhəli nəzarətə alındı

İstanbul Respublika Baş Prokurorluğu İBB-yə qarşı aparılan korrupsiya istintaqı ilə bağlı məhkəmə prosesini ictimaiyyətlə paylaşıb. Baş Prokurorluqdan verilən açıqlamada, istintaqın əhatə dairəsi ilə bağlı “Əkrəm İmamoğlunun rəhbərliyi altında yaradılmış cinayət təşkilatının fəaliyyəti çərçivəsində həyata keçirilən hərəkətlərlə bağlı araşdırmalar aparıldığı” bildirilib Prokurorluğun apardığı araşdırmalara görə, əməliyyatın mərkəz nöqtəsi bələdiyyənin tabeliyində olan şirkətlərdən biri olan Ağaç ve Peyzaj AŞ-dır. Açıqlamada aidiyyəti qurumun bu şirkət vasitəsilə qanunsuz olaraq uydurma tender sistemi işlətdiyi və tenderləri saxtalaşdırdığı bildirilib. Polis qüvvələri iddialardan sonra müəyyən edilən ünvanlara qarşı əməliyyat keçirib Polis bölmələri hərəkətə keçərək barəsində həbs qətimkan tədbiri seçilən 30 şübhəlidən 29-nu yaxalayıb. Şübhəlilər haqqında məhkəmə prosesi davam edərkən, yerdə qalan şəxsin vəziyyəti bəlli olub. Baş Prokurorluq açıqlamasında şübhəlilərdən birinin xaricdə olduğu üçün onun tutulması istiqamətində işlərin davam etdiyini bildirib