Xameneinin cənazəsi Quma gəlib: Onun canişini mərasimlərdə iştirak etməyib

ABŞ və İsrailin İrana qarşı başlatdığı müharibənin ilk dəqiqələrində dünyasını dəyişən İranın keçmiş dini lideri Ayətullah Əli Xamneyinin cənazəsi Tehranda üç günlük dəfn mərasimindən sonra növbəti dayanacağı Qum şəhərinə çatdırılıb. İranın rəsmi xəbər agentliyi İRNA-nın məlumatına görə, Xamneyi üçün Qum şəhərinin Cəmkəran məscidində cənazə namazı qılınıb Mərasim çərçivəsində fevralın 28-də ABŞ və İsrailin hücumunda həyatını itirdiyi deyilən Əli Xamneyi və 4 ailə üzvünün də cənazələri daşınıb. Şiə İslam təliminin mühüm təhsil mərkəzlərindən sayılan Qumda İranın tanınmış din alimlərindən olan Ayətullah Abdulla Cavadi Amuli cənazə namazını qıldığı halda, mərasimdə ruhanilər, mədrəsə tələbələri, dövlət rəsmiləri, yüksək səviyyəli hərbi komandirlər və çoxlu sayda vətəndaş iştirak edib Cənazə namazı qılındıqdan sonra Xamneyinin cənazəsi Cəmkəran məscidindən şiələr üçün müqəddəs sayılan Həzrət Fatimeyi Məsumənin türbəsinə aparılacaq İRNA-nın məlumatına görə, dəfn mərasimində iştirak etmək istəyən minlərlə insan bazar ertəsi günortadan etibarən Quma gəlməyə başlayıb. Məscidin həyətləri və ibadət yerləri səhər saatlarından dolarkən, mərasim sahəsinə çoxlu sayda insanın avtomobillərlə və piyada gəldiyi görülüb Bildirilib ki, Qumda davam edən dəfn proqramı daha sonra Nəcəf və Kərbəlanı əhatə edəcək və nəhayət, Xamenei məmləkəti Məşhəddəki İmam Rza hərəmində dəfn olunacaq Xamneyinin oğlu və yeni dini lider Müctəba Xamenei dəfn mərasimlərində ictimaiyyət qarşısına çıxmayıb. Tehran Müctəba Xameneinin təhlükəsizlik səbəbi ilə mərasimlərə qatılmadığını iddia edir Dəfn mərasimində iştirak edənlər arasında İran prezidenti Məsud Pezeşkian da olub. Pezeşkiyan özünün X hesabındakı paylaşımında “Bu gün biz İranın şərəf, tərəqqi və şöhrət yolunu davam etdirəcəyik” deyib Mərasimdə xarici işlər naziri Abbas Ərakçi, məhkəmə hakimiyyətinin başçısı Qulam Hüseyn Möhsin Ejei, İnqilab Keşikçiləri Qvardiyasının Qüds Qüvvələrinin komandanı İsmayıl Qaani və İranın Ali Milli Təhlükəsizlik Şurasının sədri Məhəmməd Baqir Zülkədr də iştirak ediblər Dəfn mərasimində İranın keçmiş prezidenti Mahmud Əhmədinejad da görüntülənib. Əhmədinejad prezidentliyinin son dövründə Xamneyi ilə fikir ayrılıqlarından sonra müharibə başlayandan bəri ilk dəfə ictimaiyyət qarşısına çıxdı