Quliyev qlobal mənzil probleminin həllində WUF13-ün rolu haqqında

Dünya şəhərlərinin davamlı inkişafı və inklüziv planlaşdırılması qlobal tərəfdaş platformalarında əsas müzakirə mövzusuna çevrilib “Report” xəbər verir ki, bunu Bakıda keçirilən Ümumdünya Şəhər Forumunun (WUF13) 13-cü sessiyası çərçivəsində assambleyaların birgə açıq iclasında Dövlət Şəhərsalma və Arxitektura Komitəsinin sədri Anar Quliyev deyib O, dünyanın mənzil probleminin həllində WUF13-ün rolunu vurğulayıb. "Qlobal mənzil böhranı bizim müzakirələrimizin mərkəzindədir. Mənzil sadəcə binalardan daha çox, ləyaqət, təhlükəsizlik və imkanlarla bağlıdır. Buna görə də WUF geniş miqyaslı platforma kimi vacibdir və onun əsl gücü inklüzivlikdədir", - Quliyev deyib Komitə rəhbəri iqtisadi inkişaf, innovasiya və şəhərsalma sahəsində mütəxəssislər üçün yaradılmış yeni platformaların əhəmiyyətini qeyd edib. O, Urban Expo WUF13 sərgisində startapların, memarların və ekspertlərin görüşə, fikir mübadiləsi apara və tərəfdaşlıq qura biləcəyi yeni Biznes və İnnovasiya Mərkəzini vurğuladı Quliyev Azərbaycanda qadın hüquqları mövzusuna da toxunaraq qeyd edib ki, ölkə 1918-ci ildə müsəlman dünyasında qadınlara seçmək və seçilmək hüququ verən ilk dövlət olması ilə fəxr edir Dövlət Komitəsinin sədri qeyd edib ki, bu gün qadınlar hökumətdə, parlamentdə, elmdə, memarlıqda, özəl sektorda yüksək vəzifələrdə çalışırlar