Gürcüstan evlilik yolu ilə yaşayış icazəsi almaq qaydalarını sərtləşdirir

Daxili İşlər Nazirliyindən verilən məlumata görə, Gürcüstan vətəndaşı ilə əcnəbi arasında yaşamaq icazəsi almaq məqsədilə və ya ölkədə qanuni qalmaq üçün digər əsaslarla bağlanmış qondarma nikahın cinayət əməli kimi tanınması təklif edilir Qanun layihəsinə görə, belə bir əmələ görə cərimə, bir ildən iki ilədək müddətə ev dustaqlığı və ya iki ilədək müddətə azadlıqdan məhrum etmə ilə cəzalandırıla bilər. Əcnəbilər üçün də əlavə tədbirlərin - Gürcüstandan çıxarılma və iki ildən on ilədək müddətə ölkəyə girişə qadağa qoyulması təklif edilir Dəyişikliklər paketi miqrasiya proseslərinə nəzarətin gücləndirilməsinə, ölkədə yaşamaq hüququnun əldə edilməsi zamanı sui-istifadə hallarının qarşısının alınmasına və miqrasiya rejiminin pozulması hallarının müəyyən edilməsi mexanizmlərinin təkmilləşdirilməsinə yönəlib Agentlik həmçinin əcnəbi vətəndaşların Gürcüstanda olması ilə bağlı qaydaların sərtləşdirilməsini, miqrasiya orqanlarının səlahiyyətlərinin genişləndirilməsini və miqrasiya qanunvericiliyinə əməl olunmasına nəzarətin səmərəliliyinin artırılmasını təklif edir Parlament tərəfindən təsdiq olunarsa, yeni normalar son illərdə əcnəbilərin öz ərazisində qalma səbəbləri üzərində nəzarəti ardıcıl olaraq gücləndirən Gürcüstanın miqrasiya siyasətinin sərtləşdirilməsi istiqamətində növbəti addım olacaq Bundan əvvəl Gürcüstanın investorlar üçün immiqrasiya vizalarına dair tələbləri sərtləşdirdiyi bildirilirdi Ölkə rəsmiləri həmçinin əcnəbilərə taksi sürücüsü, kuryer və bələdçi kimi işləməyi qadağan edib Gürcüstanda əcnəbilər, o cümlədən uzaqdan işləyənlər üçün yeni məşğulluq qaydalarının qüvvəyə minəcəyini də yazmışdıq