Gürcüstanın Bakıdakı sabiq səfiri Acarıstan hökumətinin sədri olub

Gürcüstanın Azərbaycandakı səfiri vəzifəsində çalışmış Zurab Pataradze Acarıstan Muxtar Respublikası hökumətinin sədri təyin edilib 525.az xəbər verir ki, bu barədə gürcüstan mediası məlumat yayıb Qeyd olunub ki, Acarıstanın Ali Şurası Zurab Pataradzenin hökumət rəhbəri və kabinet üzvlərinin təsdiqlənməsi üçün səs verib Nino Nijaradze Acarıstanın səhiyyə və sosial müdafiə naziri, Maya Xacişvili təhsil və İdman naziri, Eliso Bolkvadze mədəniyyət naziri, Denis Salukvadze kənd təsərrüfatı naziri və Ednar Nataridze maliyyə və iqtisadiyyat naziri vəzifələrini icra edəcək Səsvermədən əvvəl Zurab Pataradze komanda yoldaşlarına fəaliyyət planını təqdim edib və onların suallarını cavablandırıb. O bildirib ki, regionda başlanan bütün vacib layihələr davam edəcək. Həmçinin səhiyyə, təhsil, idman, mədəniyyət və turizmin inkişafı ilə bağlı prioritetləri müzakirə edib. Siyasi komandası ilə bərabər regionun inkişafını təmin etmək üçün çalışacağını əlavə edib