Cənubi Sudanda sərnişin təyyarəsi qəzaya uğradı! Qəzada sağ qalan olmayıb

Cənubi Sudanın paytaxtı Cuba yaxınlığında qəzaya uğrayan sərnişin təyyarəsində olan 15 nəfər həyatını itirib. Qəzada sağ qalan olmayıb Cənubi Sudan Mülki Aviasiya İdarəsinin (SSCAA) açıqlamasına görə, Cessna 208 Caravan tipli sərnişin təyyarəsi Cuba Beynəlxalq Hava Limanına getmək üçün yerli vaxtla saat 09.15-də Yei şəhərindən havaya qalxıb. Uçuşdan təxminən yarım saat sonra hava hərəkətini idarə edən qüllə ilə əlaqə kəsilib Başlanğıcda 14 olduğu açıqlanan can itkisi, araşdırmalardan sonra dəqiqləşdirilib. Təyyarədə olan 14 sərnişin və 1 pilotun hamısının öldüyü təsdiqlənib. Həyatını itirənlərdən 2-nin Keniya, 13-nün isə Cənubi Sudan vətəndaşı olduğu bildirilib Hadisə yerinə gələn qrupların ilkin qənaətlərinə görə, təyyarə paytaxtın təxminən 20 kilometr cənub-qərbində dağlıq və dumanlı əraziyə düşüb. Bildirilib ki, təyyarənin qalıqları alova bürünüb Səlahiyyətlilər qəzanın dəqiq səbəbləri ilə bağlı araşdırmanın davam etdiyini açıqlayıb. İlkin araşdırmalar göstərir ki, görmə qabiliyyətini azaldan əlverişsiz hava şəraiti qəzaya səbəb ola bilər