Almaniya Azərbaycanla əlaqələri genişləndirmək niyyətindədir - səfir (Exclusive)

GƏNCƏ, Azərbaycan, 6 iyun. Almaniya Azərbaycanla əlaqələrini genişləndirmək niyyətindədir, Almaniyanın səfiri Ralf Horlemann Gəncəyə səfəri zamanı Trend-ə bildirib ki "Azərbaycanda işlədiyim dörd il ərzində dəfələrlə Gəncədə olmuşam. Həmçinin Göygöl və Şəmkirdəki keçmiş alman qəsəbələrində olmuşam. Avropa İttifaqının sonuncu dəfə EuroVillage tədbirini təşkil etdiyi vaxtdan 10 il keçir. Ona görə də biz yenidən Gəncədə olmaqdan və şəhər sakinləri, xüsusilə gənclər və tələbələrlə görüşməkdən çox məmnunuq", - ambassador bildirib Horleman Azərbaycanda alman dilinə marağın yüksək olduğunu vurğulayaraq, Gəncə universitetlərində çoxlu tələbənin alman dilini öyrəndiyini diqqətə çatdırıb Səfir diplomatik missiyasını iki həftəyə başa vuracağını da açıqlayıb. O bildirib ki, Almaniya gələcəkdə də Azərbaycanla əməkdaşlığı davam etdirəcək "Almaniya öz fəaliyyətini Bakı ilə məhdudlaşdırmır. Biz Sumqayıt, Gəncə, Lənkəran və digər bölgələrdə də fəal işləyirik. Biz Azərbaycanda bir çox təşkilatlarla sıx əməkdaşlıq edirik və Almaniya-Azərbaycan münasibətlərini daha da inkişaf etdirmək niyyətindəyik", - o izah edib Diplomat iqtisadi əlaqələrin genişləndiyini də qeyd edib. Onun sözlərinə görə, hazırda Almaniyanın üç enerji şirkəti SOCAR-dan qaz alır "Bakıda çox fəal Alman-Azərbaycan Ticarət Palatası fəaliyyət göstərir. Onlar mütəmadi olaraq müxtəlif tədbirlər təşkil edirlər. Ötən il ixracın maliyyələşdirilməsi ilə bağlı tədbirdə Almaniya və Azərbaycandan 200-dən çox şirkət iştirak edib. Bu, əməkdaşlığa böyük marağın və potensialın olduğunu göstərir", - o əlavə edib