Qalatasarayın gözü çempionluqda! Okan Buruk rekord üçün mübarizə aparır

Superliqanın zirvəsində qərarlaşan "Qalatasaray" bu axşam "Samsunspor"a qalib gələrək çempionluğunu elan etməyə hazırlaşır Ən yaxın izləyicisi “Fənərbaxça”nı 7 xal qabaqlayan sarı-qırmızılı komanda “Samsunspor”la səfərdə 3 xal qazanacağı təqdirdə digər nəticələrdən asılı olmayaraq 26-cı çempionluğunu elan edəcək. Cim-Bom qalib gələ bilməsə, Fənərbaxçanın xal itkisi çempionluğu gətirəcək "Qalatasaray" bu mövsümü xoşbəxt sona çatdırsa, ardıcıl 4-cü dəfə çempion olacaq. Beləliklə, sarı-qırmızılılar klub tarixində ardıcıl çempionluq rekordunu bərabərləşdirməyə bir addım daha yaxın olacaqlar Baş məşqçi Okan Buruk daha əvvəl "Başakşəhər" və "Qalatasaray"la qazandığı çempionluqlara yenisini əlavə etməyə hazırlaşır. Çempionluq halında təcrübəli məşqçi Türkiyə futbol tarixində ən çox kubok qazanan məşqçilər arasında zirvəyə yüksələcək Sarı-qırmızılılar çempionluqla Çempionlar Liqasına birbaşa vəsiqə qazanacaq. Qalatasaray da çempionluq sayını 26-ya çatdırmaqla rəqibləri ilə aralarındakı fərqi genişləndirməyi hədəfləyir Bildirilib ki, gərgin milli komanda və dünya çempionatı təqvimi öncəsi futbolçular çempionatı erkən elan edərək qısa da olsa dincəlmək imkanı əldə etmək istəyiblər. Milli komandalara çoxlu futbolçu çağırıldığı üçün sarı-qırmızılı komandanı mövsümdən sonra gərgin iş qrafiki gözləyir