Qalatasaraydan şok qərar! Bunu heç kim proqnozlaşdırmırdı

Ardıcıl 4-cü dəfə Superliqa çempionu olan "Qalatasaray"da yeni mövsüm planlaması sürətlə davam edərkən sürpriz ayrılıq iddiası gündəmə gəlib. Sarı-qırmızılıların mövsümün əvvəlində böyük ümidlərlə heyətə qatılan Vilfrid Sinqo üçün gələcək təklifləri dəyərləndirməyə qərar verdiyi iddia edilib Fanatikdə yer alan xəbərə görə, Qalatasaray rəhbərliyi Vilfrid Sinqonun bu mövsüm gözləntilərin altına düşdüyünü düşünür. Mövsümün əvvəlində "Monako"dan 30,7 milyon avroya transfer edilən Fil Dişi Sahilli futbolçunun ayrılma ehtimalının müzakirə edildiyi bildirilib Xəbərdə Sinqoya qaneedici təklif gələrsə, Qalatasarayın satışı təsdiqləyəcəyi bildirilib. İngiltərə klublarının 24 yaşlı müdafiəçi ilə xüsusilə maraqlandığı iddia edilib Vilfrid Sinqo bu mövsüm "Qalatasaray"ın heyətində ümumilikdə 28 oyun keçirib. Fil Dişi Sahilinin futbolçusu bu matçlarda 2 qol vurub, 3 məhsuldar ötürmə edib. Hazırda bazar dəyərinin təxminən 25 milyon avro olduğu göstərilən Sinqonun "Qalatasaray"la 2030-cu ilə qədər müqaviləsi var “Qalatasaray” yeni transferlər üzərində çalışarkən, komandadan ayrılacaq adlar üzərində intensiv iş gedir. Mövsümün sonunda sarı-qırmızılıların heyətində ciddi dəyişikliklər gözlənilir