Qafarova Buxarada BƏƏ Federal Milli Şurasının sədr müavini ilə görüşüb - FOTO

Milli Məclisin sədri Sahibə Qafarova Özbəkistana səfəri çərçivəsində Buxarada BƏƏ Federal Milli Şurasının sədr müavini Məryəm Məcid Bin Teneya ilə görüşüb “Report”un xəbərinə görə, bu barədə Milli Məclisin mətbuat və ictimaiyyətlə əlaqələr şöbəsindən məlumat verilib Görüşdə beynəlxalq təşkilatlar çərçivəsində əməkdaşlıq məsələləri müzakirə olunub. Bildirilib ki, ölkələr BMT, İslam Əməkdaşlıq Təşkilatı (İƏT) və Qoşulmama Hərəkatı çərçivəsində uğurla qarşılıqlı fəaliyyət göstərir və qarşılıqlı dəstək verir. Sahibə Qafarova Azərbaycan Prezidenti İlham Əliyevin təşəbbüsü ilə yaradılmış Qoşulmama Hərəkatının Parlament Şəbəkəsinin işində BƏƏ nümayəndələrinin iştirakından məmnunluğunu ifadə edib Tərəflər, həmçinin Buxarada keçirilən II Asiya Qadınlar Forumunun əhəmiyyətini və orada müzakirə olunan məsələləri vurğulamışlar. Qeyd olunub ki, bu cür parlament platformaları ikitərəfli əməkdaşlığın inkişafı baxımından da mühüm əhəmiyyət kəsb edir