Futbol üzrə DÇ ABŞ şəhərləri üçün vəd olunan iqtisadi buma çevriləcəkmi?

Ev sahibi şəhərlər üçün FIFA Dünya Kuboku kimi qlobal idman tədbirləri tez-tez iqtisadi “cekpot” kimi təqdim olunur. Bu vəd turist axını, dolu otellər, yeni iş yerləri və milyardlarla xərcləmə ilə dəstəklənir AZƏRTAC xəbər verir ki, bununla belə, matçlar yaxınlaşdıqca, bilet qiymətlərinin artması, gözləniləndən aşağı otel sifarişləri və ümumi iqtisadi qeyri-müəyyənlik tədbirin bir çox şəhərin gözlədiyi mənfəəti gətirəcəyi ilə bağlı suallar doğurur “Əl-Cəzirə” telekanalının məlumatına görə, ABŞ Prezidenti Donald Trampın immiqrasiya siyasəti xarici səyahətçilər üçün maneə törədib. Aprel ayında Amerika Vətəndaş Azadlıqları Birliyi (ACLU) kimi təşkilatlar Dünya Kubokunu izləmək üçün ABŞ-yə səyahət edən xarici turistlərə xəbərdarlıqlar ediblər Azarkeşlər də viza ilə bağlı qarışıqlıqla üzləşirlər. Administrasiya 50 ölkədən gələn qonaqların 15 min dollar depozit ödəməsini tələb edən viza depoziti proqramını ləğv edib. May ayında bu tələb Dünya Kuboku matçı biletləri sahibləri üçün ləğv olunub. Lakin viza prosesinin gecikməsi ilə bağlı məlumatlar arasında səyahətçilərin vizalarını vaxtında ala bilməyəcəyi və ya onlara əvvəlki kimi ölkəyə giriş icazəsi verilməyəcəyi barədə xəbərlər də var Daxili turistlər də çətinliklərlə üzləşirlər. Əmək bazarının durğunluğu və benzin kimi vacib malların qiymətlərinin artması səbəbindən yaranan iqtisadi təzyiqlər zəruri olmayan xərclərə təsir göstərir. Amerika Avtomobil Assosiasiyasının (AAA) məlumatına görə, hazırda benzinin qiyməti fevralın 28-dəki qallon üçün 2,98 dollardan (3,78 litr) 4,16 dollara qalxıb Ümumilikdə, bu amillər Dünya Kuboku ilə əlaqəli səyahətlərə tələbatı azaldır, habelə təşkilatçıların və ev sahibi şəhərlərin bir vaxtlar ümid etdiyi iqtisadi bumu sarsıtmaq təhlükəsi yaradır Şimali Karolina Dövlət Universitetinin idman menecmenti professoru Mayk Edvards “Əl-Cəzirə” telekanalına açıqlamasında bildirib: “Səyahət etmək və yüksək bilet qiymətləri ödəmək istəyində azalma müşahidə olunub. Düşünürəm ki, bəzi geosiyasi məsələlər də var ki, onlar insanları ABŞ-yə səyahət etmək və orada pul xərcləməkdə daha ehtiyatlı davranmağa vadar edir” Amerika Otel və Qonaqlama Biznesi Assosiasiyasının məlumatına görə, mövsümün başlamasından bir neçə gün əvvəl otel sifarişlərinin 80 faizi gözləntilərdən aşağı olub və respondentlərin 70 faizinə qədəri səyahət tələbatının azalmasının əsas səbəbləri kimi viza maneələrini və geosiyasi qeyri-sabitliyi göstərib Tələbatın azalması yalnız turistləri qəbul edən ABŞ şəhərləri ilə məhdudlaşmır. Kanadanın sərhədindən kənarda, Britaniya Kolumbiyasının Vankuver şəhərinə sifarişlər də gözləntiləri doğrultmayıb Yanacaq qiymətlərinin artmasına və ABŞ-nin əsas aviadaşıyıcıları tərəfindən uçuş imkanlarının azalmasına baxmayaraq, hava səyahətlərinə tələbat artmaqdadır. “Sojern” analitik şirkətinin məlumatına görə, Hyuston və Dallas şəhərlərinə sifarişlər ötən ilin eyni dövrü ilə müqayisədə müvafiq olaraq 38 və 42 faiz artıb. Hər iki şəhər bir neçə idman tədbirinə ev sahibliyi edəcək Bütün bunlar bilet qiymətlərinin artmasına baxmayaraq baş verir. Dünyadakı azarkeşlər bunu idmanın ən sadiq həvəskarları üçün həddindən artıq bahalı adlandırıblar. Dekabr ayında azarkeş təşkilatı olan “Football Sponsors Europe” dörd il əvvəl Qətərdə keçirilən 2022-ci il matçlarının qiymətindən ən azı yeddi dəfə yüksək olan qiymət artımını “soyğunçuluq” və “monumental xəyanət” adlandırıb Dallasda keçiriləcək ilk matçlar üçün biletlərin orta qiyməti 800 dollardan çoxdur. FIFA-nın veb-saytına görə, iyulun 19-da keçiriləcək final oyununun biletləri “əlçatan deyil”. Belə ki, “Ticketmaster”də qiymətlər təxminən 9200 dollardan başlayır və 43553 dollara çatır İkinci bazar bilet qiymətlərini izləyən şirkət olan “TicketData”ya görə, qiymətlər son bir ayda 11 faiz düşüb. Ötən ayın sonlarında Nyu-York və Nyu-Cersi ştatlarının baş prokurorları FIFA bilet qiymətləri və qiymət strategiyaları ilə bağlı araşdırmalar aparıldığını elan ediblər Nyu-York meri və qubernatoru “Global Citizen” qrupu ilə tərəfdaşlıq çərçivəsində iyulun 19-da Mərkəzi Parkda 50 min insanın qatıla biləcəyi final matçına baxmaq üçün tədbir təşkil etmək məqsədilə birgə səy göstəriləcəyi anonsunu veriblər 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır