Fidan Rzayeva: Muzeylərdə keçirilən tədbirlər milli-mənəvi dəyərlərin təbliğini gücləndirir

Rəsul Rzanın ev-muzeyində il ərzində bir sıra yubiley tədbirlərinin keçirilməsi planlaşdırılır Bu barədə AZƏRTAC-a açıqlamasında muzeyin direktoru Fidan Rzayeva məlumat verib O bildirib ki, bu cür tədbirlər görkəmli sənətkarların yaradıcılığının yeni nəslə tanıdılmasına, milli ədəbi irsin qorunaraq geniş auditoriyaya çatdırılmasına xidmət edir “Yubiley tədbirləri yalnız xatirə xarakteri daşımır, həm də milli-mənəvi dəyərlərin təbliğini gücləndirir. Xüsusilə gənclər klassik ədəbiyyatımıza daha çox maraq göstərir, görkəmli şəxsiyyətlərin həyat və yaradıcılığı ilə yaxından tanış olurlar”, – deyə F.Rzayeva qeyd edib Onun sözlərinə görə, il ərzində ədəbi-bədii gecələr, poeziya saatları, tematik sərgilər və gənclərlə görüşlər təşkil olunacaq 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır