FTB Trampın qətlinin qarşısını aldı: onun ad günündə genişmiqyaslı terror aktı planlaşdırılıb

ABŞ Federal Təhqiqatlar Bürosu Ağ Evin Cənub Qazonunda baş tutan UFC Freedom 250 turnirində mümkün hücumun qarşısını aldığını bildirib. Reuters bu barədə FTB direktoru Kaş Patelin bəyanatına istinadən xəbər verir Patelin sözlərinə görə, iyunun 10-da FTB və tərəfdaş hüquq-mühafizə orqanları Vaşinqtonda baş verən hadisə üçün potensial təhlükə barədə məlumat alıblar. Dövlətlərarası əməliyyat nəticəsində bir neçə nəfər saxlanılıb Mənbələrə istinad edən Fox News Digital və ABC News-a görə, iddia edilən hücum planına partlayıcı yüklü dronların istifadəsi daxildir. Media həmçinin beş nəfərin həbsdə olduğunu və ümumilikdə mümkün şübhəlilər şəbəkəsinə 20-dən çox adamın daxil ola biləcəyini bildirir Reuters qeyd edir ki, Patel özü məhbusların dəqiq sayını açıqlamayıb. Onun sözlərinə görə, araşdırmalar davam edir UFC Freedom 250 turniri Vaşinqtonda Ağ Evin Cənub Qazonunda baş tutdu və ABŞ prezidenti Donald Trampın 80 illiyinə, eləcə də ABŞ-ın Müstəqillik Bəyannaməsinin 250 illik yubileyinə təsadüf etdi