Fərzəliyev və Məmmədov ömürlük azadlıqdan məhrum ediliblər

Sumqayıt Ağır Cinayətlər Məhkəməsində qəsdən adam öldürmədə təqsirli bilinərək həbsdə olan 43 yaşlı Elçin Fərzəliyev və qəsdən adam öldürmə, quldurluq və son dərəcə amansızlıqla adam öldürməyə cəhddə təqsirləndirilən 48 yaşlı Murad Məmmədovun cinayət işi üzrə məhkəmə prosesi başa çatıb haqqin.az-ın məlumatına görə, prosesin sonunda hökm elan olunub. Elçin Fərzəliyev və Murad Məmmədov ömürlük azadlıqdan məhrum ediliblər Təqsirləndirilən şəxslər onlara elan olunmuş ittiham üzrə özlərini qismən təqsirli bilib, başqasının evinə oğurluq məqsədilə daxil olduqlarını bildiriblər. Onlar ev sahibinin qətlindən təəssüfləndiklərini bildiriblər Qeyd edək ki, hadisə 2024-cü il iyunun 24-də Şabran rayonu, Üç sotlar yaşayış massivindəki fərdi yaşayış evində baş verib. Oğurluq məqsədilə evə basqın zamanı ev sahibi 54 yaşlı Gülnarə Hüseynova qəsdən öldürülüb, onun həyat yoldaşı 56 yaşlı Arif Hüseynov isə ağır yaralanıb Ev sahibi Arif Hüseynov xəstəxanaya çatdırılsa da, onun həyatını xilas etmək mümkün olmayıb