Avropa İttifaqı Ukrayna və Moldovanın üzvlüyünə dair danışıqlara başlayır

İyunun 15-də Avropa İttifaqı Ukrayna və Moldova ilə onların Avropa İttifaqına daxil olması ilə bağlı danışıqlara başlayacaq. Bu barədə iyunun 12-də Avropa Komissiyasının sədri Ursula fon der Leyen və Avropa Şurasının sədri Antonio Kosta məlumat veriblər Qeyd olunub ki, bütün üzv dövlətlər Ukrayna və Moldova ilə danışıqların birinci blokunun açılmasına razılaşıblar ki, bu da “böyük çətinliklərə baxmayaraq islahatların aparılmasında hər iki ölkənin qətiyyətinin, cəsarətinin və gərgin əməyinin etirafıdır” Beləliklə, Macarıstanın vetosunun ləğvindən sonra danışıqların başlanmasına hazırlıq prosesi başa çatıb Avropa İttifaqı Şurasına sədrlik etməyə başlayan Kipr, Macarıstanın vetosunun götürülməsindən sonra Aİ-yə üzv ölkələrin ilk danışıqlar klasteri ilə bağlı ortaq mövqedə razılaşdıqlarını və bununla da lazımi hazırlıq prosesini tamamladıqlarını bildirib Danışıqların birinci mövzusu ölkələrin Avropa İttifaqına daxil olmaq üçün riayət etməli olduqları dəyərlərə və fundamental prinsiplərə həsr olunacaq. Ümumilikdə, danışıqlar onlarla fəsildən ibarət altı klasterdə planlaşdırılır. Danışıqlardan sonra 27 üzv dövlətin hamısı yeni ölkələrin Avropa İttifaqına üzvlüyünü təsdiq etməli və ratifikasiya etməlidir Ukrayna və Moldovanın Avropa İttifaqına daxil olması ilə bağlı danışıqlar rəsmi olaraq 2024-cü ilin iyununda başlayıb.Əvvəlki Macarıstan hökumətinin veto qoyması səbəbindən Kiyevlə rəsmi danışıqlar olmayıb, lakin ekspertlər səviyyəsində qeyri-rəsmi danışıqlar aparılıb. Macarıstanın yeni baş naziri Peter Magyar ötən həftə Ukrayna ilə ölkədəki macar azlığının hüquqlarını gücləndirmək və Avropa İttifaqı ilə danışıqlara vetonu ləğv etmək üçün saziş imzaladığını açıqlayıb