Avropa Universitet Sammiti: Azərbaycanda ali təhsilə həsr olunmuş panel müzakirəsi

“Times Higher Education” reytinq agentliyinin Milanda (İtaliya) təşkil etdiyi Avropa Universitet Sammiti çərçivəsində Azərbaycanda ali təhsillə bağlı panel müzakirəsi keçirilib, Elm və Ali Təhsil üzrə Dövlət Agentliyindən bildirilib Dövlət Agentliyinin direktoru Ülkər Səttarova və Azərbaycan Dövlət İqtisad Universitetinin rektoru Ədalət Muradov “Azərbaycan təcrübəsi: universitetlər beynəlxalq strategiyalarını necə formalaşdırır” mövzusunda keçirilən sessiyada çıxış ediblər Ülkər Səttarova elm və ali təhsil sahəsində beynəlmiləlləşmə, bu istiqamətdə həyata keçirilən tərəfdaşlıq proqramları, Azərbaycanda həyata keçirilən beynəlxalq təhsil qrant proqramları, “Azərbaycanda təhsil” layihəsinin əhəmiyyətindən danışıb. O, həmçinin beynəlxalq tədqiqat tərəfdaşlığı şəbəkəsinin genişləndirilməsinin vacibliyini qeyd edib Ədalət Muradov tədbir iştirakçılarını Azərbaycan Dövlət İqtisad Universitetinin beynəlxalq əməkdaşlığın gücləndirilməsi və elmi-tədqiqat fəaliyyətinin gücləndirilməsi istiqamətində son illər gördüyü işlər, xarici tərəfdaş universitetlərlə birgə həyata keçirilən layihələr, əldə olunan nəticələr, qarşıda duran strateji hədəflər və nəzərdə tutulan tədbirlərlə tanış edib