Avropa ölkələri məskunlaşanlara görə İsrailə qarşı yeni sanksiyalar hazırlayır

Fransa da daxil olmaqla bir sıra Avropa ölkələri yaxın günlərdə İordan çayının qərb sahilində məskunlaşanların fəaliyyətinə görə İsrailə qarşı yeni sanksiyalar elan edəcək. Bu barədə “Reuters” Avropa rəsmilərinə istinadən məlumat yayıb Agentliyin məlumatına görə, Avropa İttifaqında İsrailə qarşı daha sərt tədbirlərlə bağlı vahid mövqe olmadığı üçün ölkələr milli səviyyədə hərəkət etmək qərarına gəliblər “Avropa İttifaqında İsrailə qarşı daha sərt tədbirlərə təkan vermək səyləri əngəlləndiyindən, bir sıra ölkələr razılaşdırılmış milli sanksiyaların hazırda ən yaxşı variant olduğu qənaətinə gəliblər”, materialda deyilir Qeyd edildiyi kimi, İordan çayının qərb sahilində zorakılıqla əlaqəli şəxslərə qarşı sanksiyalar Fransa tərəfindən fəal şəkildə təşviq edilir. Paris öz planlarını Böyük Britaniya və Norveç də daxil olmaqla digər ölkələrlə əlaqələndirir Fransa rəsmiləri bildiriblər ki, bu yolla ABŞ və İran arasındakı münaqişə, həmçinin İsrailin Livandakı hərbi kampaniyası fonunda Fələstin məsələsini beynəlxalq gündəmdə saxlamaq istəyirlər May ayında Avropa İttifaqı İsrailin məskunlaşma fəaliyyəti çərçivəsində İordan çayının qərb sahilində fələstinlilərin hüquqlarının pozulmasında iştirak edən bir sıra şəxslərə və təşkilatlara qarşı artıq sanksiyalar tətbiq edib İsrailin İordan çayının qərb sahilində məskunlaşma siyasəti İsrailin beynəlxalq ictimaiyyət və Fələstin Muxtariyyəti ilə əlaqələrində əsas məsələlərdən biri olaraq qalır. Fələstinlilər bunu İsrailin Fələstin ərazilərində mövcudluğunu gücləndirmək kimi qiymətləndirirlər