Avropa komissarı Ermənistana tələsdi

Avropayönlü baş nazir Nikol Paşinyanın partiyası ölkədə keçirilən parlament seçkilərində qalib gəldikdən sonra Avropanın genişlənmə üzrə komissarı Marta Kos Ermənistana “mümkün qədər tez” səfər edəcəyini açıqlayıb. Bu barədə rəsmi X.-də yazıb Kos Paşinyanı təmsil etdiyi “Mülki Müqavilə” partiyasının iyunun 7-də keçirilən parlament seçkilərində qələbəsi münasibətilə təbrik edib. Avropa komissarı qeyd edib ki, səsvermənin nəticəsi Moskvanın təzyiqlərinə baxmayaraq, erməni xalqının seçimini təsdiqləyib “Rusiyanın genişmiqyaslı təzyiqi və müdaxiləsi fonunda bu qələbə ermənilərin güclü, suveren və müstəqil Ermənistan lehinə seçim etdiyini bir daha təsdiqləyir”, - Kos yazıb O, Aİ-Ermənistan qrupunun işinə başladığını elan edib "Mən mümkün qədər tez Ermənistana gələcəm - Avropanın Ermənistanla həmrəyliyi dəyişməz olaraq qalır. Bu gün biz həm də tərəfdaşlığımızı dərinləşdirmək məqsədi ilə yeni Aİ-Ermənistan işçi qrupunda işə başlayacağıq", - Avropa komissarı yazıb Bütün bülletenlərin hesablanmasının ilkin nəticələrinə görə, Ermənistanda keçirilən parlament seçkilərində Mülki Müqavilə partiyası 49,81 faiz səslə qalib gəlib Paşinyan özü artıq “Ermənistan Respublikasının əbədiliyini və inkişafını mütləq təmin edəcək tarixi qələbəni” elan edib Seçkilər Paşinyanın Aİ ilə yaxınlaşma siyasətinə görə Moskvadan İrəvana təzyiqlərin artması fonunda baş tutub