Enerji sektoru Azərbaycan-Almaniya ticarət əlaqələrinin əsas aparıcı qüvvəsi olaraq qalır – səfir

BAKI, Azərbaycan, 15 iyun. Energetika sektoru Azərbaycan və Almaniya arasında ticarət əlaqələrinin inkişafında mühüm amildir, Trend in tədbirdə iştirak edən müxbirinin verdiyi məlumata görə, bunu Almaniyanın Azərbaycandakı səfiri Ralf Horlemann Bakıda keçirdiyi mətbuat konfransında deyib ​"Ticarət əlaqələrimizin inkişafında mühüm amil enerji sektorudur. Bildiyiniz kimi, Azərbaycandan neft idxal etməklə yanaşı, artıq üç alman şirkəti Azərbaycandan qazın tədarükünə dair SOCAR-la müqavilələr bağlayıb. Bu, Almaniyanı birbaşa Azərbaycan qazının istehlakçısına çevirməyib, çünki Azərbaycan və Almaniya arasında boru kəməri bağlantısı yoxdur. Lakin Avropa İttifaqının Azərbaycandan idxal etdiyi qaz, əsasən, İtaliyaya gedib, daha sonra isə Avropa İttifaqının enerji ticarəti bazarına çevrilir" Onun sözlərinə görə, Avropa İttifaqının müxtəlif ölkələri ilə müxtəlif enerji şirkətləri arasında çoxsaylı svop sazişləri mövcuddur. Belə ki, Almaniya svop əməliyyatları vasitəsilə dolayı yolla Azərbaycan qazını idxal edir və ya istehlak edir "Bu, çox yaxşıdır, çünki Avropa enerji bazarının sabitləşməsinə töhfə verir, həmçinin Avropa enerji bazarının, xüsusən də Rusiyanın Ukraynaya qarşı müharibəsinin başlamasından, habelə Hörmüz boğazının blokadasından sonra yaşadığı təzyiqi müəyyən qədər aradan qaldırır", - səfir bildirib