Dubay Şahzadəsinin keçmiş həyat yoldaşı və 3 uşağı qaçırıldı! BMT-yə təcili müdaxilə çağırışı edilib

Dubay kral ailəsinin üzvü ilə evli olduğu üçün uzun müddət gündəmdə olan Zeynəb Cavadlının 3 övladı ilə birlikdə yoxa çıxdığı iddia edilib. Şeyx Səid bin Məktum bin Rəşid Əl Məktumun keçmiş həyat yoldaşı Cavadlının vəkili Devid Hayq müvəkkilindən və övladlarından xəbər olmadığını açıqlayıb Heyq Cavadlı ilə sonuncu dəfə bir gün əvvəl görüşdüyünü, daha sonra isə bütün rabitənin kəsildiyini və vəziyyətin son dərəcə narahat olduğunu bildirib Britaniyalı vəkil iddia edib ki, Dubay polisi gecə saatlarında Cavadlının evinə basqın edərək keçmiş şahzadənin həyat yoldaşı və üç qızını aparıb “İnanıram ki, Dubay polisi və əyalət təhlükəsizlik qüvvələri Zeynəbin evinə basqın edərək onu və uşaqlarını aparıblar”, - Hayq deyib. Cavadlının anasının qızına dəstək olmaq üçün Dubaya getdiyini, lakin evin bağlı olduğunu gördüyünü deyən Heyq ananın ölkədən çıxmasına icazə verilmədiyini iddia edib Zeynəb Cavadlı üç qızının qəyyumluq işini itirdiyi zaman ürək ağrıdan video paylaşıb Hadisənin mərkəzində uzun müddətdir davam edən həbs işi dayanır. Dubay məhkəməsi iki ay əvvəl çıxardığı qərarda Cavadlıdan üç qızını atası Şeyx Səidə təhvil verməsini istəyib və məhkəmə qərarında “zərurət yaranarsa, zorla həyata keçirilə biləcəyi” qeyd edilib. Cavadlı əvvəlki ifadələrində övladlarının qəyyumluğunu qorumaq üçün mübarizə apardığını və ona təzyiqlər edildiyini iddia etmişdi Keçmiş milli gimnast aprel ayında yayımladığı videomüraciətində Dubay polisinin uşaqlarını aparacağından qorxduğunu bildirib. Göz yaşları içində danışan Cavadlı məhkəmənin qərarı ilə evinə basqın oluna biləcəyi, uşaqlarının zorla aparıla biləcəyi ilə bağlı bildirişlər aldığını izah edib Zeynəb Cavadlı və Şeyx Səid böyük qızları Səna ilə. Şəkil 2018-ci ildə, yəni 7 il əvvəl çəkilib Cavadlı hadisəsi də ötən illərdə Dubay kral ailəsi ilə bağlı qalmaqallı iddiaları yenidən gündəmə gətirib. Bundan əvvəl Şeyx Məhəmmədin keçmiş həyat yoldaşı Şahzadə Haya ölkəni tərk edərək İngiltərəyə sığınmış, qızı Şahzadə Lətifə isə yayımladığı videolarda azadlığının məhdudlaşdırıldığını iddia etmişdi Cavadlının BMT-də hüquqi təşəbbüslə çıxış etdiyini deyən Devid Heyq beynəlxalq təşkilatları təcili müdaxiləyə dəvət edib. Digər tərəfdən, Daily Mail-in məlumatına görə, Dubay Polisi və Şeyx Səidin vəkilindən iddialarla bağlı fikirləri istənilib, lakin hələlik rəsmi açıqlama verilməyib