Ukrayna Silahlı Qüvvələrinin pilotsuz təyyarələri Orsk, Perm və Krıma hücum edib: neftayırma zavodları yanır, aerodromlarda partlayışlar - FOTO; video

Aprelin 29-na keçən gecə Ukrayna Silahlı Qüvvələrinə məxsus pilotsuz təyyarələr Rusiya və Krım ərazilərinə hücum edib. Orenburq vilayətində neft emalı zavodu hücuma məruz qalıb, Krım yarımadasındakı hərbi aerodromlar ərazisində partlayış səsləri eşidilib. Bu barədə Ukrayna KİV-ləri yerli sakinlərin məlumatlarına və monitorinq kanallarına istinadən məlumat yayıb Orenburq vilayətində Orsk neft emalı zavodu (Orsknefteorgsintez) hücuma məruz qaldı. Yerli sakinlər şəhərin şimal-qərb hissəsində partlayış və atışma səslərinin gəldiyini, ardınca bir ərazidən tüstünün qalxdığını bildiriblər. İHA təhlükəsi ilə əlaqədar Orsk, Çelyabinsk, Yekaterinburq və Perm hava limanlarında uçuşlara məhdudiyyətlər tətbiq edilib Krımda isə yarımadanın müxtəlif yerlərində partlayışlar və atışmalar qeydə alınıb Həmçinin bildirilib ki, Belbek aerodromunun yaxınlığında partlayış olub və Sevastopol yaxınlığındakı Andreevkada güclü partlayış olub Perm şəhərində "LUKOIL-Permnefteorgsintez" neft emalı zavoduna hücumla bağlı da məlumat yayılıb pic.twitter.com/Zt8zyssR9z