DİN əməliyyat keçirdi: narkotik qaçaqmalçılarının planı ifşa olundu

Daxili İşlər Nazirliyinin (DİN) Baş Narkotiklərlə Mübarizə İdarəsi tərəfindən keçirilən əməliyyat nəticəsində narkotik vasitələrin qanunsuz dövriyyəsində şübhəli bilinən şəxslər saxlanılıb Modern.az xəbər verir ki, saxlanılanlar əvvəllər məhkum olunmuş 50 yaşlı Mətanət Qaffarova və onunla birlikdə narkotiklərin qanunsuz dövriyyəsində əlbir olmaqda şübhəli bilinən 25 yaşlı Nurlan Gorodalovdur Məlumata görə, əməliyyat zamanı N.Gorodalovun idarə etdiyi “Chevrolet” markalı avtomobilə baxış keçirilərkən tərkibi psixotrop maddələrlə zənginləşdirilən 72 kiloqrama yaxın marixuana və 5 687 ədəd metadon həbi aşkarlanaraq götürülüb Araşdırmalarla onların ölkəyə paraplan uçuş aparatı vasitəsilə qaçaqmalçılıq yolu ilə gətirilən narkotik vasitələrin satışını təşkil etməyi planlaşdırdıqları müəyyən edilib Faktla bağlı cinayət işi başlanılıb, hər iki şəxs barəsində məhkəmənin qərarı ilə həbs qətimkan tədbiri seçilib