Daşkənddə Bozsuv kanalı boyunca eko-temalı parkın tikintisinə başlanılıb

Daşkəndin Üçtəpə rayonunda Bozsuv kanalı boyunca böyük eko-temalı park layihəsinə start verilib. Daşkənd meri Şavkat Umurzoqov sakinlərlə görüşü zamanı layihə barədə məlumat verib Məlumatlara görə, layihə kanal sahilinin üç kilometrdən çox hissəsini əhatə edəcək. Onun əsas məqsədi mövcud təbii mühiti qorumaqla sakinlər üçün müasir istirahət və idman obyektləri yaratmaqdır Layihəyə piyada və velosiped yolları, uşaq meydançaları, idman zonaları, istirahət zonaları və ictimai yerlər daxildir. Kanal boyu təhlükəsizlik hasarları və işıqlandırma sistemləri də quraşdırılacaq, piyadalar üçün körpü tikiləcək. Körpünün yaxınlıqdakı bir neçə məhəlləni birləşdirəcəyi gözlənilir Layihənin fərqli cəhətlərindən biri çöl quşları və digər heyvanlar üçün xüsusi ekoloji adaların yaradılmasıdır. Bundan əlavə, su idman növlərini təbliğ etmək üçün kayak və kanoe üçün ayrıca sahələr ayrılacaq. Xüsusi balıqçılıq sahələri də yaradılacaq Rəsmilər ərazidəki ağac və kolların qorunub saxlanılacağını, əlavə tinglərin əkiləcəyini bildiriblər. Təbii landşaftın və canlı təbiətin qorunması layihənin əsas prinsiplərindən biridir Daşkənd meri ağacların kəsilməsinə icazə verilməyəcəyini və məsələnin şəhər rəhbərliyinin və ətraf mühitin mühafizəsi orqanlarının nəzarətində qalacağını bildirib. Onun sözlərinə görə, artıq layihə üzərində işlərə başlanılıb Bundan əvvəl xəbər verilmişdi ki, Özbəkistan milli və yerli icra hakimiyyəti orqanlarının ekoloji fəaliyyətini qiymətləndirmək üçün yeni reytinq sistemi tətbiq etməyi planlaşdırır