Azov dənizində xəsarət alan Azərbaycan vətəndaşlarının vəziyyəti məlum olub

BAKI, Azərbaycan, 7 iyun. Trend -in məlumatına görə, Azərbaycan Respublikasının Rusiya Federasiyasındakı səfirliyinin əməkdaşları Azov dənizində yük gəmilərinə pilotsuz uçan aparatların hücumu nəticəsində Azərbaycan vətəndaşlarının həlak olması və yaralanması barədə məlumat daxil olduqdan dərhal sonra hadisə yerinə gediblər "Səfirliyin Konsulluq Şöbəsinin əməkdaşları hazırda Yeysk şəhərindədirlər, xəsarət alan və xilas edilmiş Azərbaycan vətəndaşlarına lazımi konsulluq yardımı göstərirlər. Xəsarət alanların vəziyyəti yaxşı qiymətləndirilir, onlardan bir neçəsinin yaxın vaxtlarda xəstəxanadan buraxılması gözlənilir Rusiya Federasiyasının müvafiq orqanları tərəfindən həyata keçirilən axtarış-xilasetmə tədbirləri çərçivəsində ölənlərin şəxsiyyətinin müəyyən edilməsi və digər zəruri prosedurların yerinə yetirilməsi istiqamətində işlər davam etdirilir Eyni zamanda, xilas edilmiş Azərbaycan vətəndaşlarının sənədlərinin rəsmiləşdirilməsi və Azərbaycana qayıtmasının təşkili istiqamətində zəruri tədbirlər görülür Xarici İşlər Nazirliyi vəziyyəti xüsusi nəzarətdə saxlayır və aidiyyəti qurumlarla sıx əlaqələndirməni davam etdirir Mərhumların şəxsiyyəti, eləcə də cəsədlərinin Azərbaycana gətirilməsi ilə bağlı əlavə məlumat sonrakı mərhələdə ictimaiyyətə təqdim olunacaq”, - nazirliyin məlumatında deyilir