Cənubi Afrikada güclü yağışlar 18 nəfərin həyatına son qoyub

Ötən həftədən bəri Cənubi Afrikanın müxtəlif bölgələrinə yağan şiddətli yağışlar və tufan ciddi fəsadlar törədib 525.az xarici KİV-ə istinadən xəbər verir ki, təbii fəlakət nəticəsində ölənlərin sayı 18-ə çatıb. Qərbi Keypdə 11, Şimal Keypdə 3, Free ştatında 2, Şimal Qərb və Mpumalanqa əyalətlərində isə 1 nəfər həyatını itirib Qərbi Keyp əyalət hökumətindən verilən açıqlamada fırtınadan əsasən Garden Route bölgəsində 150 ​​mindən çox insanın zərər çəkdiyi, minlərlə insanın evsiz qaldığı bildirilib Açıqlamada həmçinin 100-dən çox məktəbə ziyan dəydiyi, 150-ə yaxın əsas yolun hərəkətə bağlandığı qeyd olunub Ölkənin kənd təsərrüfatı istehsalının əhəmiyyətli hissəsini təşkil edən Qərbi və Şərqi Keypdə bir çox təsərrüfatlar su altında qalıb və əkin sahələrinə ziyan dəyib