CNN: Tramp uran ehtiyatlarını ələ keçirmək üçün İranda quru əməliyyatından imtina edir

ABŞ ordusu zənginləşdirilmiş uran ehtiyatlarını ələ keçirmək üçün İranda quru əməliyyatı planı hazırlayırdı, lakin ABŞ prezidenti Donald Tramp bunu həyata keçirməkdən imtina etdi. Bu barədə iki məlumatlı mənbəyə istinadən CNN məlumat yayıb Telekanalın məlumatına görə, ABŞ Silahlı Qüvvələrinin Birləşmiş Qərargah Rəisləri Komitəsinin sədri general Den Keyn ABŞ Mərkəzi Komandanlığının (CENTCOM) Florida ştatındakı qərargahında olub. Orada o, Amerika quru qüvvələrinin İrana mümkün göndərilməsi planları ilə tanış olub CNN mənbələri görüşün təcili olduğunu bildirib. Bu səbəbdən Keyn mayın 19-da NATO toplantısının keçirildiyi Brüsseldən tez qayıdıb. Kanalın həmsöhbətlərinin sözlərinə görə, əməliyyatın bu səviyyədə müzakirəsi planın mümkün reallaşmaya yaxın olduğunu göstərirdi Keyn daha sonra əməliyyatın təfərrüatları barədə Trampa məlumat verib. Bununla belə, Ağ Ev rəhbəri İranın mümkün sərt cavabı, münaqişənin uzanması riski və qlobal iqtisadiyyatın daha da qeyri-sabitləşməsi təhlükəsi barədə xəbərdarlıqlardan sonra ondan imtina etmək qərarına gəlib Bundan əlavə, CNN mənbələrinin məlumatına görə, Tramp Amerika hərbçiləri arasında mümkün əhəmiyyətli itkilərdən narahat olub Telekanal başqa bir materialda isə İran hakimiyyətinin ABŞ-ın uran ehtiyatlarını ələ keçirmək cəhdindən ehtiyat edərək, müvafiq anbarları möhürlədiyini və girişləri minaladığını bildirib. CNN mənbələrinin məlumatına görə, bu obyektlərə aparan tunellər də qəsdən partladılıb