MDB ölkələri əməkdaşlığı gücləndirir

İclasda Özbəkistan Respublikası Gömrük Komitəsinin sədri Akmal Mavlonov iştirak edib İştirakçılar gömrük sahəsində beynəlxalq əməkdaşlığın gücləndirilməsi, rəqəmsal texnologiyalardan istifadənin genişləndirilməsi, risklərin idarə edilməsi sistemlərinin təkmilləşdirilməsi, gömrük hüquqpozmalarına qarşı mübarizə səylərinin səmərəliliyinin artırılmasını müzakirə ediblər Tərəflər gömrük orqanlarının işində informasiya texnologiyaları, müasir proqram həlləri, qabaqcıl rəqəmsal inkişaflardan istifadə üzrə təcrübə mübadiləsi aparıblar. Gömrük praktikasına süni intellekt texnologiyalarının tətbiqinə və informasiya mübadiləsinin genişləndirilməsinə xüsusi diqqət yetirilib Gündəlikdə həmçinin yoxlama sistemlərindən səmərəli istifadə, rentgen görüntülərinin təhlili üçün müasir metodların tətbiqi, nəqliyyat vasitələrində gizlədilən malların aşkar edilməsi üzrə qabaqcıl təcrübənin öyrənilməsi məsələləri də müzakirə olunub. Tərəflər mütəxəssislərin hazırlanması, süni intellekt sistemlərinin təkmilləşdirilməsi üçün vahid məlumat bazasının yaradılması və əməkdaşlığın genişləndirilməsi barədə razılığa gəliblər Qeyd olunub ki, bu cür əməkdaşlıq qaçaqmalçılıqla mübarizənin səmərəli mexanizmlərinin tətbiqinə, nəzarət edilən çatdırılma sisteminin təkmilləşdirilməsinə, regional təhlükəsizliyin möhkəmləndirilməsinə töhfə verir İclasda Əmtəələrin Təsnifatı üzrə İşçi Qrupunun yenilənmiş tərkibi təsdiq edilib. Özbəkistan Respublikası Gömrük Komitəsinin Mərkəzi Gömrük Laboratoriyasının müdiri Ruziboy Ruziyev İşçi Qrupun rəhbərinin müavini seçilib. Şuranın MDB-nin 35 illik yubileyi münasibətilə təsis etdiyi xatirə nişanına təqdim olunan gömrük əməkdaşlarının siyahısı da təsdiq edilib. Siyahıya Özbəkistan gömrük xidmətinin səkkiz nümayəndəsi daxil edilib Görüşdən sonra tərəflər gələcək əməkdaşlığı müzakirə edib və MDB-yə üzv dövlətlərin gömrük orqanları arasında tranzit daşımaların təkmilləşdirilməsi üçün Anlaşma Memorandumunun hazırlanması üzrə səylərə başlanıldığını elan ediblər Şuranın qarşıdan gələn iclasının bu ilin ikinci yarısında Belarusda keçirilməsi planlaşdırılır Ş. Mamaturopova, UzA