Ermənistan Aİİ-dən çıxsa, Qırğızıstan nə itirəcək?

Ermənistan Avropa İttifaqı ilə yaxınlaşmaq istəyini fəal şəkildə nümayiş etdirir. Bunun fonunda Avrasiya İqtisadi İttifaqı ölkələrinin nümayəndələri inteqrasiyanın gələcək vektoru ilə bağlı qərarın qəbul edilməsi zərurəti barədə getdikcə daha çox danışırlar - mayın sonunda Aİİ liderləri Ermənistanı Aİ-yə daxil olmaq məsələsi ilə bağlı referendum keçirməyə çağırıblar Economist.kg saytının redaktorları Ermənistan iqtisadiyyatının Qırğızıstan biznesi üçün əhəmiyyətini, habelə bu ölkənin ittifaqdan çıxacağı təqdirdə yarana biləcək xərcləri qiymətləndirmək qərarına gəlib 2025-ci ilin xarici ticarət statistikasına əsasən, Qırğızıstanla Ermənistan arasında ticarət dövriyyəsi təxminən 308,6 milyon dollar təşkil edib. Qırğızıstan Ermənistana 221,7 milyon dollarlıq məhsul ixrac edib, 86,8 milyon dollarlıq Ermənistan malı idxal edib. Xarici ticarət dövriyyəsinin müsbət saldosu 134,9 milyon dollara çatıb Bu gün Qırğızıstanla Ermənistan arasında ticarət Aİİ-nin vahid bazarı çərçivəsində idxal rüsumları olmadan həyata keçirilir. Ermənistan yeni azad ticarət sazişi bağlamadan ittifaqdan çıxsa, ölkələr arasında ticarət Ümumdünya Ticarət Təşkilatının ümumi qaydalarına keçəcək. Bu halda Qırğızıstan mallarına Aİİ-dən kənar ölkələr üçün Ermənistanda qüvvədə olan idxal rüsumları tətbiq oluna bilər Ümumdünya Ticarət Təşkilatının məlumatına görə, Ermənistanda tətbiq edilən orta idxal dərəcəsi 6,4%, orta çəkili isə 8,2% təşkil edir