Həbsxanada böyük üsyan! 25 nəfər həyatını itirdi

Şri-Lankanın Neqombo həbsxanasında baş verən iğtişaş böyük fəlakətə səbəb olub. Yerli mətbuatın məlumatına görə, dünən başlayan hadisələrdə ilk olaraq 2 məhbus həyatını itirib. Lakin bu gün səhər saatlarında yenidən şiddətlənən iğtişaşda itki çox olub Səlahiyyətlilər son qarşıdurmalarda daha 23 nəfərin həyatını itirdiyini açıqlayıb. Bununla da üsyanda həyatını itirənlərin sayı 25-ə yüksəlib.Həyatını itirənlərdən 5-nin mühafizəçi, 20-nin isə məhbus olduğu bildirilib Qanlı iğtişaşda 100-ə yaxın adamın yaralandığı ifadə edilib, yaralıların müalicəsinin davam etdiyi öyrənilib. Hadisələrdən sonra həbsxanada və ətrafda təhlükəsizlik tədbirləri gücləndirilib Səlahiyyətlilər iğtişaşın səbəbini müəyyən etmək üçün genişmiqyaslı araşdırmaya başlanıldığını açıqlayıb. Həbsxanada baş verənlərin nəzarət altına alındığı, istintaqın davam etdirildiyi bildirilib