Azərbaycan və Gürcüstanın Mərkəzi Bankları təcrübə mübadiləsi aparır

BAKI, Azərbaycan, 7 aprel. Azərbaycan və Gürcüstanın mərkəzi bankları arasında təcrübə mübadiləsi məqsədilə görüş keçirilib Belə ki, Gürcüstan Milli Bankının nümayəndə heyəti AMB-də işgüzar səfərdə olub Səfər zamanı keçirilən görüşlərdə hər iki ölkənin mərkəzi banklarının maliyyə sabitliyi funksiyaları üzrə fəaliyyətin həyata keçirilməsi, makroprudensial siyasət çərçivəsinin formalaşdırılması, ev təsərrüfatlarında, qeyri-maliyyə sektorunda və daşınmaz əmlak bazarında maliyyə sabitliyinin qiymətləndirilməsi sahəsində təcrübələri müzakirə edilib Bundan əlavə, görüşlərdə stress testi çərçivəsi, o cümlədən fiziki və keçid riskləri üzrə iqlim stress testlərinin təşkili ilə bağlı fikir mübadiləsi aparılıb