Düşənbədə Mərkəzi Asiyanın ŞƏT-dəki rolu vurğulanıb

Forumda regional təhlükəsizliyin möhkəmləndirilməsi, davamlı inkişaf və çoxtərəfli əməkdaşlığın perspektivlərini müzakirə etmək üçün ŞƏT-ə üzv dövlətlərin, beynəlxalq təşkilatların, ekspert və akademik icmaların nümayəndələri bir araya gəlib Konfrans iştirakçılarına videomüraciətində ŞƏT-in baş katibi Nurlan Yermekbayev qeyd edib ki, Mərkəzi Asiya ŞƏT-ə üzv dövlətlərin maraqlarının uzlaşdırılması üçün əsas məkan olaraq qalır “Təsadüfi deyil ki, 2021-ci ildə günəşli Tacikistanın paytaxtında ŞƏT-in 20 illiyinə həsr olunmuş yubiley sammitində dövlət başçıları bəyan ediblər ki, Mərkəzi Asiya ŞƏT-in özəyidir”, - Yermekbayev xatırladıb O, qeyd edib ki, rüb əsr ərzində bu təşkilat dövrümüzün ən böyük beynəlxalq birliklərindən birinə çevrilib. Bu gün ŞƏT məkanı dünya quru ərazisinin təxminən dörddə birini və planet əhalisinin təxminən yarısını əhatə edir. Mərkəzi Asiya dövlətləri bütün əsas sahələrdə ŞƏT əməkdaşlığına mühüm töhfələr verib və verməkdə davam edir "Biz inanırıq ki, Mərkəzi Asiya həmişə inkişaf, rifah və tərəqqi məkanı olaraq qalacaq. ŞƏT-in 25 illik yubileyi nailiyyətlərin qiymətləndirilməsi və gələcək inkişaf istiqamətlərinin müəyyənləşdirilməsi üçün həlledici mərhələdir. Biz gözləyirik ki, bizim ümumi planlarımızın və dövlət başçılarının qərarlarının həyata keçirilməsi, o cümlədən təşkilatın fəaliyyətinin təkmilləşdirilməsi yeni təkan alacaq" Tacikistanın xarici işlər naziri Sirojiddin Muhriddin öz çıxışında Şanxay Əməkdaşlıq Təşkilatının yetkin, nüfuzlu və tələbatlı beynəlxalq birlik kimi 25 illiyini qeyd etdiyini vurğulayıb Bundan əvvəl ŞƏT-in baş katibi Qazaxıstanın 25 illik iştirakını nəzərdən keçirib