BMT: Dünyada 2 milyarddan çox insanın təmiz içməli suya çıxışı yoxdur

Bişkek, 28.05.26/Xəbər. Birləşmiş Millətlər Təşkilatı bildirir ki, dünyada milyardlarla insan təhlükəsiz içməli su və kanalizasiyadan məhrumdur. Kazinform xəbər verir ki, bunu BMT-nin İnsan Hüquqları üzrə Ali Komissarı Nada Əl-Naşif İnsan Hüquqları Şurasının iclasında deyib Onun sözlərinə görə, hazırda dünyada 2 milyarddan çox insanın təmiz suya çıxışı yoxdur, 3,4 milyard insan isə tələblərə cavab verən sanitar şəraitdə yaşamır BMT-nin məlumatına görə, hər il təxminən 1,4 milyon insan çirklənmiş su və sanitariya şəraitinin olmaması səbəbindən vəba, ishal və tif kimi yoluxucu xəstəliklərdən ölür. Xüsusilə aşağı gəlirli ölkələrdə bu xəstəliklərdən ölüm nisbəti inkişaf etmiş ölkələrlə müqayisədə yüz dəfələrlə yüksəkdir Nada Əl-Naşif bildirib ki, silahlı münaqişələr də su problemini dərinləşdirir. Həmçinin, iqlim dəyişikliyi, uzun sürən quraqlıq və şiddətli tufanlar su sistemlərinə ciddi ziyan vurur BMT nümayəndəsi qeyd edib ki, bu problem daha çox qadınlara, uşaqlara, əlillərə və yoxsul ərazilərdə yaşayan insanlara təsir edir. Məktəblərdə sanitar şərait olmadığından bir çox qızlar dərsdən yayınmağa məcbur olurlar Təşkilat nümayəndələri təmiz suyun əsas insan hüququ olduğunu qeyd edərək, ölkələri su infrastrukturuna daha çox sərmayə qoymağa çağırıblar. Həmçinin beynəlxalq təşkilatlar, vətəndaş cəmiyyəti və biznes nümayəndələrinin birgə fəaliyyət göstərməli olduğu bildirilib