Bundestaq Almaniya hərbçilərinin Bosniya və Herseqovinada və Kosovodakı beynəlxalq missiyalarda iştirakını bir il uzadıb

Bundestaq Almaniya hərbçilərinin Bosniya və Herseqovinada, eləcə də Kosovoda beynəlxalq missiyalarda iştirak müddətini daha bir il uzadıb AZƏRTAC xəbər verir ki, qərara əsasən, Bundesverin hərbi kontingenti hər iki bölgədə sabitliyin qorunmasına yönəlmiş missiyalarda xidmətlərini davam etdirəcək Bundestaq Avropa İttifaqının Bosniya və Herseqovinadakı “EUFOR Althea” missiyası üzrə mandatı 2027-ci il iyunun 30-dək uzadıb. Mandata əsasən, bölgədə 50-dək alman hərbçisi xidmət göstərə biləcək Parlament, həmçinin NATO-nun Kosovodakı KFOR missiyası üzrə mandatı da yeniləyib. Bundesverin xaricdə ən uzunmüddətli əməliyyatı sayılan bu missiyada Almaniyanın iştirak limiti dəyişdirilməyərək 400 hərbçi səviyyəsində saxlanılıb Almaniya hökuməti Qərbi Balkanlarda təhlükəsizliyin Avropa üçün strateji əhəmiyyət daşıdığını vurğulayaraq, regionda beynəlxalq hərbi mövcudluğun davam etdirilməsini vacib hesab edir 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır