Bu il 35 minə yaxın ailə xüsusi sosial yardım alıb

Bu gün uşaqlı ailələr respublika büdcəsindən ödənilən beş növ dövlət müavinətini və sosial sığorta fondundan iki növ yardım alırlar. Bu dəstək tədbirləri körpənin doğulmasından tutmuş, ilk illərdə ona qulluq və təhsilə qədər olan dövrü əhatə edir. Çoxuşaqlı anaların əməyi də yüksək qiymətləndirilir. “Gümüş boyunbağı” və “Qızıl boyunbağı” sahiblərinə gəlirlərindən asılı olmayaraq ömürləri boyu aylıq dövlət müavinəti ödənilir. Dövlət aztəminatlı ailələri diqqətdən kənarda qoymur. Bu il mayın 1-nə sosial yardım 34,5 min ailəyə təyin edilib və 186 min vətəndaşı əhatə edib. Bu məqsədlə büdcədən 10 milyard 600 milyon tenge ayrılıb. Həmçinin bu ildən dövlət müavinəti artıb. İndi birinci, ikinci və üçüncü uşaq dünyaya gələndə ailə 164 min tenge məbləğində birdəfəlik ödəniş alır. Dördüncü və sonrakı uşaqlar üçün isə 272 min təngə ödəniləcək. Bu, gənc ailələrin ilkin xərclərini azaltmağa və körpəyə qulluq üçün lazımi şərait yaratmağa kömək edəcəkdir