Bişkekin iki vitse-meri dəyişib

Bişkek merinin sosial məsələlər üzrə müavini Viktoriya Mozqaçeva və bələdiyyə sədrinin torpaqdan istifadə, memarlıq, tikinti, rəqəmsallaşdırma, nəqliyyat və yol infrastrukturu üzrə müavini Əzəmət Kadırov başqa işə keçmələri ilə əlaqədar tutduqları vəzifələrdən azad ediliblər Meriyadan verilən məlumata görə, Viktoriya Mozqaçevanın yerinə Rahat Musayeva bələdiyyə sədrinin sosial məsələlər üzrə müvəqqəti müavini təyin edilib. Azamat Kadırovun yerinə isə Muratbek Atai bələdiyyə sədrinin torpaqdan istifadə, memarlıq, tikinti, rəqəmsallaşma, nəqliyyat və yol infrastrukturu məsələləri üzrə müvəqqəti müavini olub Bunlardan əlavə Təhsil şöbəsinin müdiri dəyişib, bələdiyyə sədrinin əmri ilə Canıbek Orozəliyev Təhsil şöbəsinin müdiri vəzifəsinə təyin edilib Bəzi KİV-lər Bişkekin Lenin və Birinci May rayonlarının merlərinin sosial məsələlər üzrə müavinlərinə qarşı rəsmi araşdırmaların aparıldığını, müavinlərin müvəqqəti olaraq vəzifələrindən uzaqlaşdırıldığını yazıb. Meriya bu məlumatı nə təsdiq, nə də təkzib edib Bişkek merinin beş müavini var 1 iyun Uşaqların Müdafiəsi Gününün təşkilində yol verdiyi səhvə görə əvvəllər vitse-mer Viktoriya Mozqaçevaya töhmət verilib, Bişkek meriyasının Mədəniyyət şöbəsinin müdiri Nazgül Mekeşovaya töhmət verilib, Mədəniyyət İdarəsinin rəis müavini Urmat Belekbayev isə tutduğu vəzifədən azad edilib. (ZKo)