Tokayevin həyatı - bilmədiyiniz maraqlı faktlar

Bu gün Kassym-Jomart Tokayevin 73 yaşı tamam olur. Qazaxıstan Prezidenti ad günü münasibətilə dünyanın müxtəlif ölkələrinin liderlərindən təbrik mesajları alıb. Təbrik edənlər arasında Ilham Aliyev də var. Ümumilikdə 20-dən artıq dövlət başçısı Tokayevə xoş arzularını çatdırıb Tokayevin rəhbərliyi ilə Qazaxıstan son dövrlərdə türk dünyasında fəal diplomatik platformalardan birinə çevrilib. Yaxın zamanda ölkə Türk Dövlətləri Təşkilatının (TDT) Dövlət Başçılarının Zirvə toplantısına da ev sahibliyi edib Kasım-Jomart Tokayev artıq təxminən 7 ildir dövlət başçısı postundadır. Maraqlıdır ki, o, ad günlərini qeyd etməyi sevmir və dövlət səviyyəsində xüsusi tədbirlərin keçirilməsinə ehtiyac olmadığını düşünür Kasım-Jomart Tokayev1953-cü ildə Alma-Atada dünyaya gəlib. Atası Kamal Tokayev Böyük Vətən müharibəsinin iştirakçısı olub, sonradan jurnalist və yazıçı kimi fəaliyyət göstərib. Bu gün o, qazax detektiv janrının əsas yaradıcılarından biri hesab olunur. Anası Turar Şabarbayeva isə Xarici Dillər Pedaqoji İnstitutunda çalışıb Prezidentə iki ad verilib. “Kasım” — müharibədə həlak olmuş əmisi şərəfinə, “Jomart” isə anasının seçdiyi ad olub. “Kasım” ərəb dilində “ruzi verən”, “Jomart” isə “alicənab, səxavətli” mənalarını ifadə edir Tokayev ailənin yeganə oğludur, iki bacısı var. O, qazax, rus, ingilis, çin və fransız dillərində sərbəst danışır. Çin dili isə onun diplomatik fəaliyyətində xüsusi rol oynayıb Tennisə xüsusi marağı var Tokayev uzun illər stolüstü tennis federasiyasına rəhbərlik edib. Gənclik illərindən bu idman növü ilə maraqlanır və hazırda da aktiv həyat tərzi keçirir. Müxtəlif görüşlər zamanı Rəcəb Tayyib Ərdoğan ilə stolüstü tennis oynadığı da məlumdur Prezident beynəlxalq münasibətlər və diplomatiya mövzusunda 10 kitab yazıb. İlk kitablarından biri olan “Aşmaq” (“Преодоление”) 2003-cü ildə çap olunub. Tokayev bədii ədəbiyyat, siyasi kitablar və memuarlar oxumağı sevdiyini dəfələrlə bildirib Onun oxuduğu kitablar arasında “Qutadqu Bilik”, Erlan Sıdıqovun “Qunanbay” əsəri, həmçinin Alec Ross və Kevin Kellynin texnologiya və gələcəklə bağlı kitabları da var Diplomatiyadan prezidentliyə Tokayev Moskva Dövlət Universitetinin Beynəlxalq münasibətlər ixtisasını və Rusiya Xarici İşlər Nazirliyinin Diplomatik Akademiyasını bitirib 1975-ci ildən diplomatik fəaliyyətə başlayıb, SSRİ Xarici İşlər Nazirliyində çalışıb. Daha sonra Qazaxıstanın xarici işlər naziri, baş naziri, Senat sədri olub 2011-ci ildə BMT Baş katibinin müavini və BMT-nin Cenevrə bölməsinin rəhbəri təyin edilib 20 mart 2019-cu ildə isə Qazaxıstan Prezidenti kimi and içib Sadə və nəzakətli insan kimi xarakterizə olunur Tokayevin kurs yoldaşları və həmkarları onun sakit, ziyalı və ünsiyyətcil insan olduğunu bildirirlər. MGIMO-da onunla birgə oxuyan Vladimir Şişkin deyib ki, Tokayev tələbəlik illərində də çox intizamlı və çalışqan olub Politoloq Marat Laumulin isə onu “əsl almaatalı ziyalı” adlandıraraq, təbii nəzakəti ilə seçildiyini vurğulayıb Tokayev boşanıb. Onun Timur adlı bir oğlu var və biznes fəaliyyəti ilə məşğuldur. Keçmiş həyat yoldaşı Nadejda Tokayeva isə mediadan uzaq həyat tərzi ilə seçilir İstirahətə az vaxt ayırır Prezidentin qısa müddətli məzuniyyət götürdüyü nadir hallarda məlum olub. 2021-ci ildə cəmi 4 günlük istirahət etmişdi. Bu il isə hələlik məzuniyyətə çıxmayıb və ad günündə də rəsmi dövlət səfərindədir