Bakı xatirələr aləminə retro dalğanı "aşdı" - FOTO

Müslüm Maqomayev adına Azərbaycan Dövlət Akademik Filarmoniyasının və Azərbaycan Dövlət Uşaq Filarmoniyasının birgə təşkilatçılığı ilə keçirilən “Uşaq dünyası” I Beynəlxalq Musiqi Festivalı çərçivəsində “Retro dalğa” adlı konsert proqramı təqdim olunub “Syada” Uşaq Xorunun və Azərbaycan Dövlət Uşaq Filarmoniyasının vokal sinfinin ifasında Azərbaycan kinosunun sevimli filmlərindən mahnılar, Azərbaycan estradası və retro musiqisinin ən gözəl nümunələri səsləndirilib. Müxtəlif dövrlərin musiqi incilərini bir araya gətirən konsert tamaşaçılara nostalji ab-havası və xatirələr aləminə füsunkar səyahət bəxş edib Gənc ifaçılar yüksək ifaçılıq məharəti nümayiş etdirərək, görkəmli bəstəkar və bəstəkarların əsərlərini böyük ilhamla təqdim ediblər. Konsertə xüsusi ifadəlilik verən ikisəsli xor nömrələri tamaşaçıları xüsusilə heyran etdi. Səslərin ahəngdar səslənməsi, musiqi çalarlarının incə ötürülməsi və qrupun yüksək ifa mədəniyyəti tamaşaçılar tərəfindən hərarətlə qarşılanıb. İştirakçılar səhnə mədəniyyəti, musiqisi, səmimiyyəti, inkişaf səviyyəsi, sənətə hörməti ilə tamaşaçıları valeh ediblər Qeyd edək ki, “Syada” Uşaq Xorunun bədii rəhbəri Aysel Mehtizadə, vokal sinfinin rəhbəri Leyla Aslanova, müşayiətçi Şahin Yəhyazadədir Konsert bu cür layihələrin gənc istedadların yaradıcılıq potensialının üzə çıxarılmasında, onların səhnə təcrübəsinin genişləndirilməsində və musiqiyə marağın gücləndirilməsində mühüm rol oynadığını əyani şəkildə nümayiş etdirdi İnformasiya dəstəyi - Trend.Az, Day.Az, Milli.Az Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin