Bakıda halal iqtisadiyyat sahəsində əməkdaşlıq imkanlarına dair müzakirələr keçirilir

BAKI, Azərbaycan, 16 iyun. Bakıda halal iqtisadiyyat sahəsində əməkdaşlıq imkanları müzakirə olunub Bu barədə Azərbaycan Maliyyə Nazirliyinin hesabatında deyilir Nazirlikdən verilən məlumata görə, müzakirə İslam İnkişaf Bankının Bakıda keçirilən 51-ci İllik Toplantısında Halal İqtisadiyyat Liderlik Forumu (HELF) və Azərbaycan Halal Biznes Forumu 2026 (AZHAB Forumu) çərçivəsində keçirilən “Dayanıqlı Regional İnteqrasiya üçün Halal İqtisadiyyat” adlı sessiyada aparılıb Halal iqtisadiyyat üzrə siyasətin prioritetləri və əməkdaşlığın gücləndirilməsi imkanlarının müzakirə edildiyi sessiyada Azərbaycanın kənd təsərrüfatı naziri Məcnun Məmmədov, maliyyə nazirinin birinci müavini Anar Kərimov, Nigeriyanın büdcə və iqtisadi planlaşdırma naziri Abubakar Atiku, İslam İnvestisiya və İxracat Korporasiyasının (Khadifəllə İnsurs Credit IC) baş direktoru çıxış ediblər Çıxışlarda halal iqtisadiyyatın qeyri-maliyyə sahələrində görülən işlər vurğulanıb, qida, ictimai iaşə, logistika, turizm və kosmetika sektorlarında halal sertifikatının inkişafı və yerli istehsalçıların halal dəyər zəncirlərinə inteqrasiyasına dəstək vurğulanıb Maliyyə nazirinin birinci müavini Anar Kərimov bildirib ki, Azərbaycan Prezidenti İlham Əliyevin rəhbərliyi ilə dövlət maliyyəsinin idarə olunması sahəsində həyata keçirilən sistemli islahatlar və formalaşan güclü makroiqtisadi əsaslar halal iqtisadiyyatın və İslam maliyyəsinin inkişafı üçün etibarlı zəmin yaradır. O qeyd edib ki, Azərbaycanın əlverişli coğrafi mövqeyi, inkişaf etmiş nəqliyyat-logistika infrastrukturu və Orta Dəhlizdə artan potensialı İslam Əməkdaşlıq Təşkilatına üzv dövlətlər arasında halal ticarət və halal dəyər zəncirləri üzrə regional mərkəzlərdən biri kimi mövqeyini daha da möhkəmləndirir Kərimov çıxışı zamanı qeyd edib ki, İslam bankçılığı, sukuk və təkaful kimi maliyyə alətlərinin tətbiqi maliyyə sisteminin diversifikasiyasına, investisiya mühitinin genişləndirilməsinə və rəqabət qabiliyyətinin artırılmasına xidmət edir. Onun sözlərinə görə, halal biznes sahəsində beynəlxalq standartların tətbiqi məhsuldarlığın, ixrac potensialının və istehlakçıların real sektora inamının artmasına töhfə verir. Nazir müavini qeyd edib ki, Azərbaycan bu istiqamətdə regional tərəfdaşlarla əməkdaşlığı gücləndirməyə və birgə təşəbbüslər həyata keçirməyə hazırdır Eyni zamanda, regional inteqrasiya kontekstində İİB Qrupu ilə əməkdaşlığın xüsusi əhəmiyyət kəsb etdiyi vurğulanıb, Azərbaycanda, o cümlədən işğaldan azad edilmiş ərazilərdə Bankın dəstəyi ilə layihələrin həyata keçirildiyi, İİB Qrupunun müxtəlif qurumları ilə investisiya, ixrac kreditlərinin sığortası, ticarətin maliyyələşdirilməsi, özəl sektorun inkişafı istiqamətində əməkdaşlığın genişləndirildiyi diqqətə çatdırılıb