Bakı cari şəhərsalma müzakirələrinin episentrinə çevrilir - Anar Quliyev

BAKI, Azərbaycan, 17 may. Hazırda Bakıda keçirilən Ümumdünya Şəhər Forumunun (WUF13) 13-cü sessiyasından gözləntilər böyükdür. Bunu jurnalistlərə açıqlamasında Azərbaycan Respublikasının Dövlət Şəhərsalma və Arxitektura Komitəsinin sədri Anar Quliyev deyib Onun sözlərinə görə, Bakı aktual qlobal problemləri həll etmək üçün beynəlxalq qonaqları uğurla bir araya toplayıb: ​"Burada birgə iş üçün yüksək məhsuldar platforma yaradılıb. Fikrimcə, bu, ən mühüm nailiyyətdir. Qonaqlar həmçinin Azərbaycanda həyata keçirilən irimiqyaslı layihələrlə tanış olmaq imkanı əldə edəcəklər." Anar Quliyev Ümumdünya Şəhər Forumunun Bakıda keçirilən 13-cü sessiyası ilə əlaqədar xüsusi beynəlxalq mükafatın təsis edildiyini də qeyd edib Sədrin sözlərinə görə, yeni təqdim olunan mükafat "Baku Urban Award" adlanır: ​"İrəli gedərək, Bakının adını daşıyan bu mükafat hər növbəti Dünya Şəhər Forumunda rəsmi olaraq təqdim olunacaq"